14.01.2026 | 17:08
Քաղաքականության մեջ Եկեղեցու ներգրավված լինելու մեղադրանքը անհիմն է ու անընդունելի․ Մայր Աթոռում ԳՀԽ նիստ է կայացել
Նիդերլանդների կառավարությունը հայտարարում է, որ շուտով կսկսեն F-16-ների մատակարարումներն Ուկրաինա
Քաղաքականություն
02.07.2024 | 12:58
Նիդերլանդները շուտով Ուկրաինային կտրամադրի խոստացված 24 F-16 կործանիչներից առաջինը։ Այս մասին հայտարարել է Նիդերլանդների կառավարությունը, գրում է Reuters-ը։
Պաշտպանության նախարար Կայսա Օլոնգրենը խորհրդարանին ուղղված նամակում նշել է, որ ինքնաթիռներն Ուկրաինային մատակարարելու համար անհրաժեշտ թույլտվությունները տրվել են։
Նա հրաժարվել է հստակեցնել, թե քանի ինքնաթիռ է լինելու առաջին առաքման ժամանակ և երբ դրանք կժամանեն Ուկրաինա՝ անվտանգության նկատառումներից ելնելով։
Նիդերլանդները միջազգային կոալիցիայի շարժիչ ուժերից է Ուկրաինային F-16-ների մատակարարման հարցում՝ Ռուսաստանի դեմ հակաօդային պաշտպանությունն ուժեղացնելու համար: Նիդերլանդների կառավարությունը նախկինում F-16-ներ է մատակարարել Ռումինիայի ուսումնական կենտրոնին, որտեղ ուկրաինացի օդաչուները և ցամաքային անձնակազմը վերապատրաստվում են թռիչքներ իրականացնելու և մարտական ինքնաթիռները պահպանելու համար:
Ապրիլին էլ Օլոնգրենն ասել էր, որ ակնկալում է, որ Դանիայի, Նիդերլանդների և Միացյալ Նահանգների կողմից խոստացված մատակարարումները կսկսվեն ամիսների ընթացքում։
