06.04.2026 | 17:03
Իսրայելի կողմից նոր հարված է հասցվել Իրանի Հարավային Պարս գազային օբյեկտին
Թուրքիան հերքել է Իսրայելին նավթ մատակարարելու մեղադրանքները
Քաղաքականություն
01.07.2024 | 23:17
Թուրքական պետական նավթագազային BOTAŞ ընկերությունը հերքել է Իսրայել նավթ արտահանելու մասին մեղադրանքները։ Ընկերության հավաստմամբ՝ պնդումները, թե նավթ է արտահանվել Իսրայել, անհիմն են, գրում է TRT Haber-ը։
«Անհրաժեշտություն կա հանրությանը ճշգրիտ իրազեկելու անհիմն պնդումների մասին, թե նավթն Իսրայել է արտահանվում BOTAŞ-ի կողմից։ BOTAŞ-ը հում նավթի վաճառքի և առևտրի հետ կապված որևէ գործունեություն չի իրականացնում»,-ասվում է հայտարարության մեջ։
Հավելենք, որ Ադրբեջանից Իսրայել նավթի մատակարարումն իրականացվում է հենց Թուրքիայի տարածքով։ Կասպից ծովի պաշարներից նավթը Բաքու-Թբիլիսի-Ջեյհան խողովակաշարով հասնում է թուրքական Ջեյհան նավահանգիստ, որտեղից լցանավերն այն տեղափոխում են Հայֆա:
Բաքու-Թբիլիսի-Ջեյհանն ապահովում է Իսրայելի տարեկան հում նավթի սպառման շուրջ 40 տոկոսը։
