30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Հռոմի պապը ցանկանում է Թուրքիա այցելել՝ Նիկեայի ժողովի տարեդարձի կապակցությամբ
Քաղաքականություն
28.06.2024 | 20:44
Հռոմի Ֆրանցիսկոս պապը հայտարարել է, որ ցանկանում է հաջորդ տարի այցելել Թուրքիա՝ նշելու քրիստոնեական եկեղեցու առաջին խորհրդի 1700-րդ տարեդարձը, գրում է Duvar-ը՝ հավելելով, որ խոսքը Նիկեայի տիեզերական ժողովի մասին է։
«Դա մի ճանապարհորդություն է, որը ես ցանկանում եմ շարունակել ամբողջ սրտով»,- ասել է Հռոմի պապը Ստամբուլի Կոստանդնուպոլսի Տիեզերական պատրիարքարանի պատվիրակությանը։
Մայիսին Ստամբուլի Տիեզերական պատրիարք Բարդուղիմեոսն ասել էր, որ Ֆրանցիսկոս պապը ծրագրում է այցելել քաղաք՝ Իզնիկ (Նիկեա) մեկնելուց առաջ:
Հռոմի պապի այս տարվա ճամփորդության օրակարգը ներառում է սեպտեմբերյան ուղևորություն դեպի Ասիա և Օվկիանիա, որն ամենաերկարն է նրա 11-ամյա պապական ժամանակաշրջանում, Ինդոնեզիայում, Պապուա Նոր Գվինեայում, Թիմոր-Լեստում և Սինգապուրում կանգառներով:
Սեպտեմբերի վերջին կաթոլիկ եկեղեցու ղեկավարին 4-օրյա այցով սպասում են Բրյուսելում և Լյուքսեմբուրգում։
