30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իրանում մեկնարկել են նախագահական ընտրությունները
Քաղաքականություն
28.06.2024 | 10:59
Իրանում մեկնարկել է նախագահական ընտրությունների քվեարկությունը, գրում է Mehr գործակալությունը։ Ընտրություններում քվեարկելու իրավունք ունի 61 մլն 452 հազար մարդ, երկրում ստեղծվել է շուրջ 58 000 ընտրատեղամաս։
Իրանի գերագույն հոգևոր առաջնորդ այաթոլլա Ալի Խամենեին Թեհրանի ընտրատեղամասում քվեարկել է արտահերթ նախագահական ընտրությունների քվեարկության առաջին րոպեներին։ Նա իրանցիներին հորդորել է քվեարկությանը մասնակցել՝ որպես իրենց երկրի համար «հստակ անհրաժեշտություն»:
«Այս համակարգի էությունը ժողովրդի ներկայությունն է: Նաև Իսլամական Հանրապետության ամրությունը, նրա պատիվն ու համբավը աշխարհում կախված են ժողովրդի ներկայությունից»,- ասել է Այաթոլլահ Խամենեին:
Չորս թեկնածու է պայքարում նախագահի պաշտոնի համար՝ Մասուդ Պեզեշկիանը, Մուստաֆա Փուր-Մուհամմադին, Սաիդ Ջալիլին և Մոհամմադ Բաղեր Ղալիբաֆը:
Նշենք, որ արտահերթ ընտրություններն անցկացվում են Իրանի նախկին նախագահ Էբրահիմ Ռաիսիի մահվանից հետո։ Նրա ուղղաթիռը 2024 թ-ի մայիսի 19-ին կործանվել էր։
