Քաղաքականություն
27.06.2024 | 17:08
Վրաստանի խորհրադարանի պատգամավորներն առաջին ընթերցմամբ կողմ են քվեարկել «Ընտանեկան արժեքների և անչափահասների պաշտպանության մասին» օրինագծի փաթեթին, որն անվանում են նաև «ԼԳԲՏ քարոզչության» դեմ օրենք։
Նախաձեռնությանն աջակցել է 78 պատգամավոր։ Ընդդիմադիր պատգամավորները բոյկոտել են նիստը։
Օրինագծի երկրորդ եւ երրորդ ընթերցումները տեղի կունենան աշնանը։
Վրաստանի խորհրդարանի նախագահ Շալվա Պապուաշվիլին ասել է, որ այսօր խորհրդարանը կարևոր որոշում է ընդունել։
«Վրաստանի խորհրդարանն իսկապես կարևոր որոշում է կայացրել։ Մայիսի 17-ին Վրաստանում տեղի ունեցավ համաժողովրդական հանրաքվե, Վրաստանի մեկ միլիոն քաղաքացիներ դուրս եկան փողոցներ, հաստատեցին իրենց աջակցությունն այս փաթեթին, ինչպես նաև վերահաստատեցին պահանջը, որ խորհրդարանն իրենց քվեն օրենքի վերածի։ Այսօր խորհրդարանն առաջին քայլն արեց այս ուղղությամբ, և մենք առաջին ընթերցմամբ ընդունեցինք այս փաթեթը»,- ասել է Պապուաշվիլին։
