14.01.2026 | 18:44
Ղրղզստանում առաջարկում են Վլադիմիր Սոլովյովին անցանկալի անձ հայտարարել
Լեհաստանը և Բալթյան երկրները ԵՄ-ին կոչ են արել պաշտպանական գծեր կառուցել ՌԴ-ի և Բելառուսի սահմանին
Քաղաքականություն
27.06.2024 | 15:48
Լեհաստանը, Լիտվան, Լատվիան և Էստոնիան կոչ են արել Եվրամիությանը պաշտպանական գծեր կառուցել Ռուսաստանի և Բելառուսի հետ սահմանին, գրում է DW-ի ռուսական ծառայությունը։
«Ռուսաստանի և Բելառուսի հետ ԵՄ արտաքին սահմանի երկայնքով պաշտպանական ենթակառուցվածքի համակարգի կառուցումը կպատասխանի ԵՄ-ին ռազմական և հիբրիդային սպառնալիքներից պաշտպանելու հրատապ անհրաժեշտությանը»,- ասվում է չորս երկրների ղեկավարների նամակում, որը մեջբերում է Reuters-ը։
Նամակն ուղղված է Եվրահանձնաժողովի նախագահ Ուրսուլա ֆոն դեր Լեյենին։
ՌԴ-ից և Բելառուսից հիբրիդային սպառնալիքների թվում նամակի հեղինակներն առանձնացրել են ապատեղեկատվությունը, կիբերհարձակումները, տնտեսական ճնշումը և երրորդ երկրներից միգրանտների՝ սահմանները հատելուն սադրելը։
Նամակում նաև նշվում է, որ այդ նախագծի մասշտաբներն ու արժեքը պահանջում են ԵՄ-ի նպատակային գործողությունները՝ դրան ինչպես քաղաքական, այնպես էլ ֆինանսական աջակցություն ցուցաբերելու համար։ ԵՄ որոշ դիվանագետներ Ռուսաստանի և Բելառուսի հետ 700 կիլոմետրանոց սահմանի երկայնքով նման պաշտպանական գծի կառուցման արժեքը գնահատել են մոտավորապես 2,5 միլիարդ եվրո։
Եվրոպական պաշտպանության ոլորտում ներդրումները հունիսի 27-28-ը կայանալիք Եվրոպական խորհրդի նիստի քննարկման հիմնական թեմաներից են լինելու։
