29.06.2024 | 14:27
Հերացու փողոցից դեպի Խանջյան փողոց տանող թունելում բեռնատար ավտոմեքենա է կողաշրջվել
Հաջիևն արձագանքել է Արմեն Գրիգորյանի հայտարարությանը և ՀՀ ռազմաքաղաքական ղեկավարությանը մեղադրել ռևաշիզմի մեջ
Քաղաքականություն
26.06.2024 | 19:14
Բաքուն արձագանքել է ՀՀ Անվտանգության խորհրդի քարտուղար Արմեն Գրիգորյանը հայտարարությանը, որ ՌԴ-ն եկել է, Արցախը վերցրել հայերից ու հանձնել Ադրբեջանին։ Ադրբեջանի նախագահ Իլհամ Ալիևի օգնական Հիքմեթ Հաջիևն ասել է, թե այս «հայտարարությունը ոչ այլ ինչ է, քան Հայաստանի նախկին և ներկա ռազմաքաղաքական ղեկավարության պարտությունը կոծկելու, մեղքը ուրիշների վրա բարդելու և ինքն իրեն արդարացնելու փորձ»։
«Իր խոսքն ասելով մարտի դաշտում՝ ադրբեջանական բանակը 44-օրյա պատերազմում ջախջախեց հայկական բանակին, տարավ ամբողջական ռազմական հաղթանակ, վերջ դրեց Հայաստանի 30-ամյա ռազմական օկուպացիային։ 2023 թվականի սեպտեմբերին իրականացված հակաահաբեկչական միջոցառումների արդյունքում 23 ժամից էլ քիչ ժամանակում զինաթափվեցին հայկական բանակի մնացորդները, որոնք շարունակում էին ապօրինի տեղակայվել Ադրբեջանի տարածքում, և Ղարաբաղն ամբողջությամբ ազատագրվեց։ Հայկական բանակի ավելի քան 5 միլիարդ դոլարի զենք-զինամթերքը ոչնչացվել կամ վերցվել է որպես ավար։ Ցավով նշում ենք, որ նման հայտարարությունները վկայում են այն բանի մասին, որ ռևանշիզմի մասին երազանքները դեռ մնում են Հայաստանի ռազմաքաղաքական ղեկավարության մտքում։ Հայաստանի ռազմաքաղաքական ղեկավարության անհատներին խորհուրդ ենք տալիս իսպառ հրաժարվել ռևիզիոնիզմի և ռևանշիզմի երևակայություններից, վերջ դնել ռազմականացման քաղաքականությանը՝ չկրկնելու պատմական սխալները»,- հայտարարել է Հաջիևը։
