30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Էրդողանը Նեթանյահուին «հոգեկան հիվանդ» է անվանել
Քաղաքականություն
26.06.2024 | 22:21
Թուրքիայի նախագահ Ռեջեփ Թայիփ Էրդողանը հայտարարել է, որ Իսրայելն իր հայացքը հիմա էլ ուղղել է Լիբանանին՝ Թել Ավիվին մեղադրելով որոշ արևմտյան ուժերի՝ պատերազմն ընդլայնելու Իսրայելի կառավարության ծրագրերին աջակցելու համար, գրում են թուրքական լրատվամիջոցները։
«Իսրայելը, որն ավերել է Գազան, այժմ իր հայացքն ուղղում է Լիբանանին։ Մենք տեսնում ենք, որ մինչ արևմտյան ուժերը տեսախցիկի առաջ այլ կերպ են խոսում, կուլիսներում նրանք թփթփացնում են Իսրայելի մեջքին, նույնիսկ աջակցում են նրան։ Տարածաշրջանում պատերազմի տարածման Նեթանյահուի պլանները կհանգեցնեն մեծ աղետի»,- ասել է նա։
Էրդողանը, միաժամանակ, հերթական անգամ վիրավորել է Իսրայելի վարչապետ Բենիամին Նեթանյահուին։
«Չափազանց ողբերգական է, որ երկրները, որոնք ողբում են ազատության, մարդու իրավունքների և արդարության համար, դարձել են Նեթանյահուի նման հոգեկան հիվանդի ստրուկը»,- հայտարարել է Էրդողանը։
