28.09.2024 | 20:00
Մարիխուանայի օրինականացո՞ւմ․ կարծիքների բախում և պետության դիրքորոշումը. ՏԵՍԱՆՅՈՒԹ
Ջեյմս Օ՛Բրայենը մեկնում է Բաքու՝ ընդգծելու ԱՄՆ-ի աջակցությունը ՀՀ-Ադրբեջան խաղաղության համաձայնագրի կնքմանը
Քաղաքականություն
26.06.2024 | 18:03
ԱՄՆ պետքարտուղարի Եվրոպայի ու Եվրասիայի հարցերով տեղակալ Ջեյմս Օ՛Բրայենը այց կկատարի Ադրբեջան։ Այս մասին ասվում է Պետքարտուղարության հայտարարության մեջ։
Նշվում է, որ նա հունիսի 27-29-ը կմեկնի Ադրբեջանի մայրաքաղաք Բաքու և Խորվաթիայի Դուբրովնիկ քաղաք։ Բաքվում նա հանդիպելու է Ադրբեջանի կառավարության բարձրաստիճան պաշտոնյաներին, այդ թվում՝ նախագահ Իլհամ Ալիևին, ԱԳ նախարար Ջեյհուն Բայրամովին՝ ընդգծելու ԱՄՆ-Ադրբեջան երկկողմ հարաբերություններում առաջընթացը և ԱՄՆ-ի աջակցությունը Հայաստանի և Ադրբեջանի միջև խաղաղության համաձայնագրի կնքմանը։
Նշվում է, որ Օ՛Բրայենը նաև հանդիպելու է քաղաքացիական հասարակության ներկայացուցիչների հետ՝ կրկնելու Ադրբեջանի կողմից մարդու իրավունքների պաշտպանության միջազգային պարտավորություններին հավատարիմ մնալու հրատապությունը:
Հիշեցենք, որ Ջեյմս Օ՛Բրայենն ավելի վաղ այցով Երևանում էր։ Նա մասնակցել է ՀՀ-ԱՄՆ ռազմավարական երկխոսության ամփոփիչ նիստին, ինչպես նաև հանդիպել տարբեր պաշտոնյաների, այդ թվում՝ վարչապետ Նիկոլ Փաշինյանի հետ։
