07.10.2026 | 10:00
Ազգային ժողովի նիստը՝ ՈՒՂԻՂ
Զելենսկին այցելել է Դոնեցկի ռազմաճակատում կռվող զինվորականներին
Քաղաքականություն
26.06.2024 | 16:07
Ուկրաինայի նախագահ Վլադիմիր Զելենսկին այցելել է Դոնբասի մարտական գործողությունների շրջան։ Նրան ուղեկցել են երկրի ԶՈՒ գլխավոր հրամանատար Ալեքսանդր Սիրսկին և բրիգադի գեներալ Անդրեյ Գնատովը, որը վերջերս նշանակվել է միացյալ ուժերի հրամանատարի պաշտոնում, գրում է DW-ի ռուսական ծառայությունը։
«Դոնեցկի շրջան: Մեր զինվորների հետ՝ գլխավոր հրամանատար Սիրսկիի և միացյալ ուժերի նոր հրամանատար գեներալ Գնատովի հետ միասին: Այսօր ես պաշտոնապես ներկայացրեցի Անդրեյ Գնատովին Դոնեցկի շրջանի պաշտպանության համար պատասխանատու բոլոր անձանց»,- ասել է Զելենսկին հրապարակած տեսանյութում։
Նա հայտնել է, որ հանդիպել է 110-րդ և 47-րդ բրիգադի զինվորների ու սպաների, ինչպես նաև ռազմական բժիշկների հետ։
«Այստեղ Դոնեցկի մարզում ժողով եմ անցկացրել մարդկանց անվտանգության և աջակցության վերաբերյալ։ Շատ հարցեր են եղել կենսապայմանների ապահովման հետ կապված՝ ջուր, սոցիալական հարցեր, տարհանում և պաշտպանության հարցերում օգնություն, բնակարանների վերականգնում»,- նշել է Ուկրաինայի նախագահը։
Նա խոստացել է «առանձին զրույց» անցկացնել Կիևում պաշտոնյաների հետ, որոնք պետք է լինեին առաջնագծում, որտեղ բնակիչները ռազմական գործողությունների հետ կապված խնդիրների հրատապ լուծումների կարիք ունեն։ Զելենսկիի խոսքով՝ «զարմացել է, որ որոշ համապատասխան պաշտոնյաներ այդտեղ չեն եղել արդեն վեց ամիս կամ ավելի երկար ժամանակ»։
