07.10.2026 | 14:02
Պուտինն ու Փաշինյանը քննարկել են օրակարգային հարցեր
ԱՊՀ գլխավոր քարտուղարը հայտարարել է, թե Արևմուտքը ճնշում է ՀՀ-ին՝ նվազեցնելու համագործակցությունը կառույցում
Քաղաքականություն
26.06.2024 | 12:53
Արևմտյան երկրները ճնշում են գործադրում Երևանի վրա՝ մի շարք դեպքերում խրախուսելով նրան հակառուսական դիրք գրավել, ինչպես նաև սահմանափակել համագործակցությունը ԱՊՀ-ում, բայց դա առաջին հերթին վնասում է հենց Հայաստանին։ Այս մասին «Պրիմակովյան ընթերցումներ» X փորձագիտական ֆորումի շրջանակում լրագրողների հետ զրույցում ասել է ԱՊՀ գլխավոր քարտուղար Սերգեյ Լեբեդևը, փոխանցում է ՏԱՍՍ-ը։
«Ես տեսնում եմ Արևմուտքի հսկայական ճնշումը հայ գործընկերների վրա՝ խրախուսելով նրանց որոշ դեպքերում հակառուսական դիրք գրավել կամ սահմանափակել նրանց համագործակցությունը ԱՊՀ-ի շրջանակներում։ Ես մեծ ափսոսանքով նշում եմ, որ Հայաստանը վերջերս դադարել է մասնակցել ԱՊՀ-ի բազմաթիվ ֆորումներին։ Իմ կարծիքով՝ սա վատ է։ Սա վատ է ԱՊՀ-ի համար, ես ասում եմ՝ որպես գլխավոր քարտուղար։ Շատ փորձագետներ ընդունում են, որ դա վատ է նաև Հայաստանի համար»,- ասել է Լեբեդևը՝ նշելով, որ դեռևս որևէ ազդանշան չի տեսել կազմակերպությունից Հայաստանի դուրս գալու մասին։
Նա հիշեցրել է, որ նույնը վերաբերում է Մոլդովային, որտեղ ԱՊՀ-ի շրջանակում կապերի փլուզումը զգալի վնաս է հասցրել երկրի գյուղատնտեսությանը։
«Իմ կարծիքն այն է, որ անդամակցությունը ԱՊՀ-ին, դրա շրջանակում համագործակցությունը ձեռնտու է մասնակից պետություններին, իսկ նրանք, որոնք այլ կերպ են գործում, վնասում են իրենց»,- եզրափակել է կազմակերպության գլխավոր քարտուղարը։
