07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
ԱՄՆ-ի և ՌԴ-ի պաշտպանության նախարարներն առաջին հեռախոսազրույցն են ունեցել
Քաղաքականություն
26.06.2024 | 11:43
ԱՄՆ պաշտպանության նախարար Լլոյդ Օսթինը նախօրեին առաջին հեռախոսազրույցն է ունեցել վերջերս Ռուսաստանի ՊՆ ղեկավար նշանակված Անդրեյ Բելոուսովի հետ։ Այս մասին հայտնում են երկու երկրների ռազմական գերատեսչությունները, գրում է BBC-ի ռուսական ծառայությունը։
«Հունիսի 25-ին ԱՄՆ պաշտպանության նախարար Լլոյդ Օսթինը հեռախոսազրույց է ունեցել ՌԴ պաշտպանության նախարար Անդրեյ Բելոուսովի հետ։ Սա նախարար Օսթինի առաջին հեռախոսազրույցն էր նախարար Բելոուսովի հետ, և նա ընդգծել է հաղորդակցության ուղիների պահպանման կարևորությունը՝ Ուկրաինայի դեմ Ռուսաստանի կողմից շարունակվող պատերազմի պայմաններում»,- նշել է Պենտագոնի մամուլի քարտուղար Փեթ Ռայդերը:
ՌԴ ՊՆ-ն էլ հայտնում է, որ զրույցը տեղի է ունեցել ամերիկյան կողմի նախաձեռնությամբ։
«Պաշտպանության նախարարները մտքեր են փոխանակել Ուկրաինայի շուրջ ստեղծված իրավիճակի վերաբերյալ»,- ասվում է հաղորդագրության մեջ։
