26.06.2026 | 13:12
Ալեն Սիմոնյանը ներողություն չի խնդրի Ռոբերտ Քոչարյանից. երկրորդ նախագահը պարտվել է դատարանում
Բաքուն շարունակում է դժգոհել Հայաստանի կողմից տրամադրված ականապատ դաշտերի քարտեզների ճշգրտությունից
Քաղաքականություն
25.06.2024 | 18:22
Հայաստանի կողմից Ադրբեջանին տրամադրված ականապատ դաշտերի քարտեզները ճշգրիտ չեն և ընդգրկում են տարածքի միայն մի մասը։ Այս մասին հայտարարել է Ադրբեջանի ականազերծման գործակալության (ANAMA) կոլեգիայի ղեկավար Վուգար Սուլեյմանովը։
«Հայաստանի կողմից փոխանցված ականապատ քարտեզների ճշգրտությունը չի գերազանցում 25%-ը, սա ցածր ցուցանիշ է»,- ասել է Սուլեյմանովը:
Նա նշել է, որ հայկական կողմից փոխանցվածներն ընդգրկում են միայն նախկին մարտական գծի տարածքը։
Սուլեյմանովը նաև հայտնել է, որ մինչև տարեվերջ գործակալությունը նախատեսում է ականազերծել 60 հազար հեկտար տարածք։
«Մեր ստացած դիմումների թիվը գերազանցում է 400 հազարը»,- ասել է նա՝ նշելով, որ տարածքների մոտ 10,2 հազար քառակուսի մետրը դեռ աղտոտված է ականներով և չպայթած զինամթերքով։
