02.06.2026 | 18:13
Մոմի հումքի արտադրության համար հարկ ենք վճարել․ Գարեգին Բ․ ՏԵՍԱՆՅՈՒԹ
Ֆոն դեր Լեյենը կշարունակի պաշտոնավարել, Միշելն ու Բորելը կհեռանան․ ԵՄ-ում համաձայնություն են եկել նոր ղեկավարների ընտրության շուրջ
Քաղաքականություն
25.06.2024 | 17:27
Եվրահանձնաժողովի նախագահ Ուրսուլա ֆոն դեր Լեյենը ևս մեկ ժամկետով կպաշտոնավարի եվրոպական խոշոր քաղաքական կուսակցությունների միջև կնքված գործարքի համաձայն։ Այս մասին հայտնում են գերմանական Frankfurter Allgemeine Zeitung-ը և dpa-ը՝ վկայակոչելով իրավիճակին ծանոթ աղբյուրիների, գրում է Reuters-ը։
Նշվում է, որ երեք կենտրոնամետ քաղաքական կուսակցությունների բանակցողները համաձայնության են եկել մի փաթեթի շուրջ, որով Պորտուգալիայի նախկին վարչապետ Անտոնիո Կոստան կփոխարինի Շառլ Միշելին Եվրոպական խորհրդի նախագահի պաշտոնում, իսկ արտաքին քաղաքականության հարցերով հանձնակատար Ժոզեպ Բորելին կփոխարինի Էստոնիայի վարչապետ Կայա Կալլասը։
Ակնկալվում էր, որ ֆոն դեր Լեյենը, Կոստան և Կալլասը կզբաղեցնեն այդ պաշտոնները, սակայն ԵՄ առաջնորդները չէին կարողացել փաթեթի շուրջ համաձայնության գալ անցյալ շաբաթ տեղի ունեցած հանդիպմանը: Այժմ գործարքը, ամենայն հավանականությամբ, արագորեն կհաստատվի, երբ ազգային առաջնորդները կրկին հանդիպեն հինգշաբթի և ուրբաթ օրը Բրյուսելում կայանալիք գագաթնաժողովում:
