Քաղաքականություն
25.06.2024 | 17:02
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ՌԴ նախագահ Վլադիմիր Պուտինի հետ։ Թուրքական կողմի տարածած հաղորդագրության համաձայն՝ զրույցի ընթացքում քննարկվել են ՌԴ Դաղստանի շրջանում տեղի ունեցած ահաբեկչությունները։ Էրդողանն ասել է, որ Թուրքիան դեմ է ահաբեկչության բոլոր ձևերին և դատապարտում է հարձակումները։ Նա ցավակցություն է հայտնել ռուս ժողովրդին զոհերի կապակցությամբ, իսկ վիրավորներին մաղթել շուտափույթ ապաքինում։
Էրդողանը նաև հայտարարել է, որ Թուրքիան կշարունակի ջանքերը՝ վերջ տալու տարածաշրջանում բոլոր հակամարտություններին։
Կրեմլի հաղորդագրության համաձայն էլ՝ կողմերը պայմանավորվել են անձամբ շփվել Շանհայի համագործակցության կազմակերպության (ՇՀԿ) գագաթնաժողովի շրջանակում, որը տեղի կունենա հուլիսի 3-4-ը Աստանայում։
«Պայմանավորվածություն է ձեռք բերվել հետագա անձնական շփումների մասին, այդ թվում՝ հուլիսի 3-4-ը Աստանայում Շանհայի համագործակցության կազմակերպության գագաթնաժողովում»,- ասվում է ՌԴ նախագահի մամուլի ծառայության հաղորդագրության մեջ։
