09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
Բնակիչն ահազանգում է․ արդեն մի քանի օր է՝ կոյուղաջուրը հոսում է փողոցներով
Հասարակություն
25.06.2024 | 16:21
«Արդեն երեք օր է՝ շենքի կոյուղաջուրը Ջրվեժով մեկ հոսում է, բակում գարշահոտություն ու հակասանիտարական իրավիճակ է»,- այս մասին Factor.am-ին ահազանգում է Նոր Նորք վարչական շրջանի Բանավան 16 շենքի բնակիչ Աղավնի Հարությունյանը։
««Վեոլիա Ջուր» էլ զանգում ես, նախ շատ դժվարությամբ ես հետները կապ հաստատում, զանգելուց հետո էլ գալիս են, մի հատ ստից բզբզում են, թողնում, գնում են», – ասում է շենքի բնակիչը։
Աղավնի Հարությունյանի խոսքով՝ ամեն շաբաթ շենքի բնակիչները նույն խնդրով ահազանգում են «Վեոլիա Ջուր» ընկերությանը, սակայն խնդրին վերջնական լուծում չի տրվում։ Նշում է՝ քաղաքապետարանից ու վարչական շրջանից շենքի բնակիչների բողոքներին պատասխանում են՝ գործառույթ չունեն «Վեոլիա Ջուր» ընկերությանը պարտավորեցնելու։
Factor.am-ը կապ հաստատեց «Վեոլիա ջուր» ընկերության հետ։ Մեր զանգից հետո ընկերությունը աշխատանքային խումբ է ուղարկել Բանավան 16 շենք։
Անի Թամրազյան
