03.06.2026 | 16:19
Հայաստանի ոչ նյութական մշակութային ժառանգության ցանկը համալրվել է նոր արժեքներով
Զելենսկին պաշտոնից ազատել է Ուկրաինայի ԶՈՒ միացյալ ուժերի հրամանատարին
Քաղաքականություն
25.06.2024 | 14:12
Ուկրաինայի նախագահ Վլադիմիր Զելենսկին պաշտոնանկ է արել երկրի Զինված ուժերի միացյալ ուժերի հրամանատար Յուրի Սոդոլին։ Նրա տեղը զբաղեցրել է բրիգադային գեներալ Անդրեյ Գնատովը։ Այս մասին հայտարարել է հենց Զելենսկին։
Յուրի Սոդոլն Ուկրաինայի զինված ուժերի գեներալ-լեյտենանտ է, մասնակցել է Մարիուպոլի պաշտպանությանը և Վոլնովախայի մոտ տեղի ունեցած մարտերին։ 2023 թվականին նա ղեկավարել է Ուգլեդարի ուղղությամբ օպերատիվ-մարտավարական խումբը, իսկ այս տարվա փետրվարի 11-ին նշանակվել է զինված ուժերի միացյալ ուժերի հրամանատար։
Ավելի վաղ Ազովի ազգային գվարդիայի բրիգադի շտաբի պետ Բոգդան Կրոտևիչը դիմում էր ներկայացրել Հետաքննությունների պետական բյուրո՝ Սոդոլի նկատմամբ հետաքննություն սկսելու պահանջով։ Ուկրաինական լրատվամիջոցների փոխանցմամբ՝ Կրոտևիչը Սոդոլին մեղադրել է պաշտոնական լիազորությունները գերազանցելու և զորքերի ոչ կոմպետենտ հրամանատարության մեջ, ինչը հանգեցրել է Ուկրաինայի տարածքի զգալի մասի կորստի։
