Քաղաքականություն
25.06.2024 | 13:00
Հնդկաստանի վարչապետ Նարենդրա Մոդին այցելելու է Մոսկվա։ Հնդկական The Tribune-ի փոխանցմամբ՝ Մոդին Ռուսաստան կժամանի հուլիսի 8-ին՝ մեկօրյա այցով։ ՏԱՍՍ-ի աղբյուրը հաստատել է, որ Մոդիին սպասում են Մոսկվայում, սակայն, ըստ լրատվամիջոցի, Հնդկաստանի վարչապետի այցը կլինի երկօրյա, գրում է Meduza-ն։
Նարենդրա Մոդին վերջին անգամ Մոսկվայում եղել է 2015 թվականին, իսկ Ռուսաստան վերջին այցը եղել է 2019 թվականին, երբ մասնակցել է Վլադիվոստոկում կայացած Արևելյան տնտեսական ֆորումին։
The Tribune-ը նշում է, որ Մոդին Մոսկվա է մեկնում Ազգային դեմոկրատական դաշինքի ընտրություններում երրորդ անգամ կառավարությունը ստանձնելուց անմիջապես հետո այն բանից հետո, երբ Վլադիմիր Պուտինը սկսել է իր հինգերորդ նախագահական ժամկետը:
ՌԴ նախագահի օգնական Յուրի Ուշակովն էլ «Ինտերֆաքս»-ին հաստատել է, որ ռուսական կողմը պատրաստում է Հնդկաստանի վարչապետի այցը։
