09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
«Հայկական երաժշտության անթոլոգիա»․ Ֆրանսիայի Մշակույթի նախարարության աջակցությամբ՝ համերգ Փարիզի Սեն Ռոհ եկեղեցում
Մշակույթ
24.06.2024 | 11:12
2024 թվականը Ֆրանսիայում Հայաստանի տարի հռչակելու ծրագրի շրջանակներում, Փարիզի հանրահայտ Սեն Ռոհ եկեղեցում «Հայկական երաժշտության անթոլոգիա» եզակի երաժշտական միջոցառում է անցկացվել, Ֆրանսիայի Մշակույթի նախարարության աջակցությամբ և Ֆրանսա-հայկական մշակութային նշանավոր դեսպան Ռուբեն Էլբակյանի կատարմամբ․ գրում է Ֆրանսիայում հրատարակվող «LA VOCE» իտալական ամսագրիրը։
«Մաէստրո Էլբակյանն իր ծրագրում ներառել էր 20՝ նախնյաց և ժամանակակից մարգարիտներ՝ դաշնակահար Գրիգորի Աբրահամյանի նվագակցությամբ․ Լոռվա երկրագործի երգից սկսած (նեոլիթիկ շրջան, ակապելլա) մինչև Մաշտոց, Նարեկացի, Սայաթ-Նովա, Շերամ, Կոմիտաս»,- գրում է «LA VOCE»-ը։
Նշվում է, որ Էլբակյանը կատարել է «Ալմաստ», «Արշակ II» և «Անուշ» օպերաների մեներգերը, Եկմալյանի, Ալեմշահի ստեղծագործությունները և որպես եզրափակիչ կատարում, հնչել է Այվազյանի «Իմ Հայաստանը», որը ոտքի է հանել հանդիսատեսին:
