16.03.2026 | 17:12
Քննարկվել են զբոսաշրջության ոլորտում համագործակցության զարգացման հնարավորությունները. ավարտվել է MITT 2026 ցուցահանդեսը
Բելառուսի ԱԳՆ-ն նոտա է փոխանցել Հայաստանին
Քաղաքականություն
21.06.2024 | 20:11
Մինսկը նոտա է հղել Հայաստանին, հայտնում է Բելառուսի ԱԳՆ-ն։
Նշվում է, որ 2024 թվականի հունիսի 21-ին Բելառուսի ԱԳ նախարարությունում տեղի է ունեցել հանդիպում ԱՊՀ երկրների հետ երկկողմ համագործակցության վարչության պետ Սերգեյ Մոլունովի և երկրում ՀՀ գործերի ժամանակավոր հավատարմատար Նարեկ Տիրատուրյանի միջև։
«Դիվանագետները քննարկել են երկկողմ հարաբերությունների մի շարք արդիական հարցեր, առևտրատնտեսական համագործակցության և համատեղ ինտեգրացիոն կառույցներում փոխգործակցության հեռանկարները։ Բելառուսի արտաքին գործերի նախարարությունից համապատասխան նոտա է փոխանցվել հայկական կողմին»,- ասվում է հաղորդագրության մեջ։
Հաղորդվում է, որ անդրադարձ է կատարվել մարդասիրական թեմաներին, ընդգծվել են երկու ժողովուրդների վաղեմի բարեկամական կապերը։ Բելառուսի Անկախության օրվան ընդառաջ նշվել է հայ զինվորների նշանակալի ավանդը նացիստական զավթիչներից երկրի ազատագրման գործում։
Հիշեցնենք՝ ՀՀ վարչապետ Նիկոլ Փաշինյանը խստորեն քննադատել է Բելառուսի դերը հայ-ադրբեջանական հակամարտությունում և պատերազմի թեմայով Բաքվում նախագահ Ալեքսանդր Լուկաշենկոյի հնչեցրած մեկնաբանությունները: Նա հայտարարել է, որ այսուհետ ինքը կամ որևէ հայ պաշտոնյա չի մեկնի Բելառուս, քանի դեռ այդ երկրի նախագահն Ալեքսանդր Լուկաշենկոն է։
