«ՄԿՈՒ համակարգում Էրազմուս+ ծրագրի ներդրումը դրական ցուցանիշներ է գրանցում». Արաքսիա Սվաջյան

Լուրեր

20.11.2026 | 16:34
Չի բացառվում, որ վստահված անձանց վճարել են, բայց այլ անուններով, հայտարարգրում ոչինչ չկա․ Հոկտանյան․ ՏԵՍԱՆՅՈՒԹ
20.11.2026 | 16:29
Ազգերի լիգա. Քառորդ եզրափակիչի զույգերը
20.11.2026 | 16:24
ՀՀ-Ադրբեջան կարգավորման ռուսական մշակումներն արդիական են նաև այսօր․ Զախարովան՝ Փաշինյան-Ալիև հանդիպման մասին
20.11.2026 | 16:15
Էստոնիայի կառավարությունը որոշել է դեկտեմբերի 1-ից փակել Ռուսաստանի հետ սահմանը
20.11.2026 | 16:06
Մինչև տարեվերջ նախատեսվում է պահեստազորի մինչև 10 սպայի զորակոչել պարտադիր զինվորական ծառայության
20.11.2026 | 15:55
«Կողմ չենք քվեարկելու ալիևյան Սահմանադրությանը». «Հայաստան» խմբակցության պատասխանը՝ Փաշինյանի առաջարկին․ ՏԵՍԱՆՅՈՒԹ
20.11.2026 | 15:44
Հայաստանի Կիոկուշին կարատեի ֆեդերացիան կանցկացնի տարեվերջյան մրցաշարերը
20.11.2026 | 15:34
Առաջարկում եմ՝ ընդդիմությունն ապահովի 6 ձայնը և գնանք հանրաքվեի, եթե ժողովուրդը դեմ քվեարկի` ես հրաժարական եմ տալիս․ Փաշինյան․ ՏԵՍԱՆՅՈՒԹ
20.11.2026 | 15:23
Առաջարկում ենք կուսակցությունների ֆինանսական հոսքերը ԿԿՀ կայքում հրապարակել իրական ժամանակում․ ՏԵՍԱՆՅՈՒԹ
20.11.2026 | 15:10
Սահմանադրության տեքստը կհրապարակվի նոյեմբերի 23-ին // Գերմանիայից ՀՀ քաղաքացիներ են արտաքսվել․ ԼՈՒՐԵՐ
20.11.2026 | 15:05
Մտածում են կատակում ենք, լուրջ չեն ընդունում. Սոնա Ղազարյանը` արտահերթի գնալու առաջարկի մասին․ ՏԵՍԱՆՅՈՒԹ
20.11.2026 | 14:56
Արփինե Սարգսյանը հանդիպել է Իսլանդիայի նախագահին և Ավստրալիայի նախկին վարչապետին․ քննարկվել են կանանց նկատմամբ բռնության կանխարգելման հարցեր
20.11.2026 | 14:44
Էդ խեղճ «ստնտուկները» ի՞նչ են արել, որ ուզում եք պատժել. Տարոն Չախոյանը` Նարեկ Կարապետյանին․ ՏԵՍԱՆՅՈՒԹ
20.11.2026 | 14:41
Դոնալդ Տուսկը Լեհաստանի օդային տարածքի խախտման կապակցությամբ արտակարգ խորհրդակցություն է հրավիրել
20.11.2026 | 14:32
Հրդեհի վտանգի պատճառով փակվել են «Ֆլեշ»-ի և «Կամօյլ»-ի լցակայանները, Մրգաշատում ապամոնտաժվել է գազի պահեստարան
Բոլորը

Մասնագիտական կրթության և ուսուցման ոլորտում ԵՄ աջակցությամբ էրազմուս+ ծրագրերի շրջանակում ընթանում է 4 ծրագիր: Այս մասին հայտնել է ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը՝ նախարարությունում այսօր կայացած «Էրազմուս+ նախագծերի մեկնարկային օր 2024» միջոցառման ընթացքում:

ԿԳՄՍՆ-ից տեղեկացնում են, որ Հայաստանում էրազմուս+ ազգային գրասենյակի հետ համագործակցությամբ կազմակերպված միջացառման նպատակն է ներկայացնել դրամաշնորհ ստացած բուհերի և ՄԿՈւ հաստատությունների կողմից իրականացվող նախագծերը և ակնկալվող արդյունքները:

Անդրադառնալով ՄԿՈՒ հաստատությունների մասնակցությամբ իրականացվող ծրագրերին՝ ԿԳՄՍ նախարարի տեղակալ Արաքսիա Սվաջյանը կարևորել է կրթական բոլոր մակարդակներում, մասնավորապես, ՄԿՈՒ ոլորտում միջազգայնացմանն ու որակի բարձրացմանն ուղղված քայլերը:

«Միջազգայնացման գործընթացներին նպաստող և հնարավորություններ ընձեռող ծրագրերից մեկը Էրազմուս+ն է, որը թույլ է տալիս թե՛ համագործակցություն ձևավորել եվրոպական նմանօրինակ ուսումնական հաստատությունների հետ, թե՛ իրականացնել կրթական ծրագրերի վերանայում, թե՛ կազմակերպել ուսանողների և դասախոսների փոխանակում: Ծրագրի շնորհիվ ընդլայնվում են պատկերացումներն այն մասին, թե տվյալ մասնագիտությամբ այլ երկրներում ինչպես է կազմակերպվում ուսուցման գործընթացը: Սա նաև հնարավորություն է ուսանողական կյանքին վերաբերող տարբեր մշակույթների տեղայնացման և կրթական ողջ գործընթացի բարելավման համար»,- նշել է Արաքսիա Սվաջյանը:

Նախարարի տեղակալի խոսքով՝ «Էրազմուս+» ծրագրի ներդրումը նախնական և միջին մասնագիտական կրթական համակարգում ենթադրում էր գործընկեր կազմակերպությունների հետ համագործակցային կապերի հաստատում, համատեղ ծրագրերի մշակում, կրթական բովանդակության բարելավում. «Սկզբնական շրջանում գուցե որոշակի մտահոգություններ կային, բայց այսօր արդեն կարող ենք փաստել, որ ՄԿՈՒ համակարգում Էրազմուս+ ծրագրի ներդրումը դրական ցուցանիշներ և նկատելի առաջընթաց է գրանցում»:

Արաքսիա Սվաջյանի համոզմամբ՝ մեկնարկած ծրագրերը ՄԿՈՒ համակարգում շոշափելի արդյունքներ են տալու և բերելու են նշանակալի փոփոխությունների:

««Էրազմուս+» ծրագրի ներդրումը քոլեջների և ուսումնարանների համար նոր հնարավորություն է ինչպես մանկավարժների և վարպետների կարողությունների զարգացման, այնպես էլ ուսանողների փոխանակման ծրագրերի, կրթությունը եվրոպական ուսումնական հաստատություններում շարունակելու, մեր երկրում նոր նշաձողեր սահմանելու տեսանկյունից: Վստահ եմ՝ նմանօրինակ քննարկումները կօգնեն բացահայտել առկա խնդիրներն ու գտնել ուղիներ գործընթացի լավարկման և արդյունավետության բարձրացման համար»,- ասել է նախարարի տեղակալը:

Հայաստանում ԵՄ պատվիրակության ներկայացուցիչ, ծրագրերի ղեկավար Դավիթ Ավագյանը ևս ողջունել է ներկաներին և նշել՝ թեև ՄԿՈՒ ոլորտում ««Էրազմուս+»-ը համեմատաբար նոր է ներդրվել, բայց արդեն իսկ բավականին ակտիվ արձագանքներ կան:

«Ունենք դրական ցուցանիշ, մասնավորապես, կարողությունների զարգացման ծրագրերի տեսանկյունից: Հայաստանում ՄԿՈՒ ոլորտում իրականացվող 4 ծրագրերը հիմնականում կենտրոնանում են աշխատահեն ուսուցման, որակի ապահովման մեխանիզմների ստեղծման, ուսուցիչների վերապատրաստման և ուսուցման, հիմնարար գիտելիքների, հմտությունների և իմացությունների զարգացման, ինչպես նաև պետություն-մասնավոր ոլորտ համագործակցության խորացման ուղղությամբ»,- ասել է Դավիթ Ավագյանը:

Միջոցառման շրջանակում տեղի ունեցած պանելային քննարկումների ժամանակ ներկայացվել են Էրազմուս+ ծրագրի 2023թ․ մրցույթում ֆինանսավորված նախագծերը և դրանց ազդեցությունը միջին մասնագիտական կրթության վրա: Քննարկումներին մասնակցել են նախագծերի ղեկավարները, միջին մասնագիտական ուսումնական հաստատությունների ներկայացուցիչներ, կրթության ոլորտում քաղաքականություն մշակողներ, հասարակական կազմակերպությունների, բիզնես ոլորտի ներկայացուցիչներ և շահագրգիռ այլ անձինք։

Նշենք, որ Եվրոպական միության աջակցությամբ իրականացվող Էրազմուս+ ծրագրի 2024 թվականի մեկնարկային օրվա բացմանը մասնակցել էին նաև ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը և Հայաստանում Եվրոպական միության պատվիրակության ղեկավար, դեսպան Վասիլիս Մարագոսը: