24.06.2026 | 12:10
Ավետիք Չալաբյանը ձերբակալվել է // Պապոյանը ԵՄ դեսպանների հետ արտահանման հարցեր է քննարկել․ ԼՈՒՐԵՐ
ՆԱՏՕ-ի հաջորդ գլխավոր քարտուղարը կլինի Մարկ Ռյուտեն
Քաղաքականություն
20.06.2024 | 19:38
Մարկ Ռյուտեն կդառնա ՆԱՏՕ-ի հաջորդ գլխավոր քարտուղարը․ դաշինքի բոլոր 32 անդամները համաձայնել են, որ Նիդերլանդների վարչապետը կփոխարինի Յենս Ստոլտենբերգին: Ռյուտեի նշանակմանը նախորդել է յոթամսյա քարոզարշավ, գրում է LRT.it-ը։
Այն բանից հետո, երբ երեքշաբթի Հունգարիան և Սլովակիան հաստատեցին իրենց աջակցությունը, հինգշաբթի Ռյուտեին իր աջակցությունը հայտնեց նաև Ռումինիան: Ռումինիայի նախագահ Կլաուս Յոհանիսը հրաժարվել է առաջադրվել ՆԱՏՕ-ի ղեկավարի պաշտոնի համար։
Ազգային պաշտպանության խորհրդի նիստում Յոհանիսն ասել է, որ ՆԱՏՕ-ի դաշնակիցներին տեղեկացրել է իր թեկնածությունը հանելու որոշման մասին:
Ռյուտեն ստանձնում է ՆԱՏՕ-ի ղեկավարությունը կրիտիկական պահին։ Նրա նոր աշխատանքը կսկսվի հոկտեմբերի 2-ին՝ ԱՄՆ-ի ընտրություններից ընդամենը մեկ ամիս առաջ, որոնք կորոշեն ռազմական դաշինքի ճակատագիրը։ Դաշինքն ապացուցել է, որ ամենաարդյունավետ միջոցն է Արևելյան Եվրոպայում ռուսական ագրեսիան զսպելու համար:
ԱՄՆ նախկին նախագահ Դոնալդ Թրամփը՝ ներկայիս հանրապետական թեկնածուն, խոստացել է վերընտրվելու դեպքում ԱՄՆ-ը պահել ՆԱՏՕ-ում, սակայն սպառնացել է կրճատել Ուկրաինային տրամադրվող օգնությունը։
