11.08.2026 | 11:21
RAF. Արման Ծառուկյանը կմենամարտի Քոնոր Մաքգրեգորի ընկերոջ հետ
Մոսկվայում փոթորկի ժամանակ 2 մարդ է մահացել, ևս տասը վիրավոր է
Քաղաքականություն
20.06.2024 | 20:35
Այսօր Մոսկվայում փոթորկի ժամանակ երկու մարդ մահացել է, ևս տասը վիրավորվել է, հայտնել են ՌԴ Մոսկվայի քննչական կոմիտեից։ Կոմիտեի տվյալներով՝ Մոսկվայի հյուսիսում ծառն ընկել է տղամարդու վրա, նա ստացած վնասվածքներից տեղում մահացել է, գրում է Current Time-ը։
«Осторожно, Москва» տելեգրամ-ալիքը գրում է, որ զոհվածը 79-ամյա տեղի բնակիչ է, իսկ միջադեպը տեղի է ունեցել Տիմիրյազևսկի զբոսայգու մոտ։
ՌԻԱ Նովոստին, վկայակոչելով արտակարգ իրավիճակների ծառայությունները, հայտնում է, որ մայրաքաղաքի կենտրոնում մարդ է մահացել շինարարական սարքավորումից վայր ընկնելու պատճառով։
«112» Telegram-ալիքի տվյալներով էլ, ընդհանուր առմամբ, փոթորկի պատճառով տուժել է առնվազն 14 մոսկվացի, այդ թվում՝ մեկ երեխա։ Վնասվել են նաև տասնյակ մեքենաներ, տների տանիքներ, գովազդային ցուցանակներ։
Baza-ն հայտնում է նաև, որ Մոսկվայի թաղամասերից մեկում ծառն ընկել է մեքենայի վրա, որում հղի կին է եղել։ Փրկարարները նրան դուրս են բերել ավտոմեքենայից և ուղարկել բուժկենտրոն՝ ստուգելու պտղի անվտանգությունը։
