26.06.2026 | 19:10
Դրոշներ՝ բոլոր համայնքների մուտքերի մոտ․ ՔՊ-ականների նախագիծն ընդգրկվել է ԱԺ արտահերթ նիստի օրակարգում
Վրաստանի խորհրդարանական ընդդիմությունը բոյկոտ է հայտարարել
Քաղաքականություն
20.06.2024 | 16:34
Վրաստանի խորհրդարանի ընդդիմադիր պատգամավորները բոյկոտ են հայտարարել և չեն մասնակցում հանդիպումներին, որտեղ քննարկվում է ԼԳԲՏ քարոզչությունն արգելող օրինագծերի փաթեթը, հայտնել է իրավական հարցերի խորհրդարանական հանձնաժողովի նախագահ Անրի Օխանաշվիլին, փոխանցում է Rustavi 2 հեռուստաալիքը։
Նախօրեին Վրաստանի խորհրդարանը հանձնաժողովների նիստերում սկսել է քննարկել այս հարցի վերաբերյալ օրինագծերի փաթեթը։
«Ցավալի է, որ ընդդիմության ներկայացուցիչներն ընդհանրապես ներկա չեն լինում նիստին։ Նրանք գտնվում են բոյկոտի ռեժիմում, սակայն չեն բոյկոտում ստացած աշխատավարձերը»,- հայտարարել է Օխանաշվիլին։
Կրթության, գիտության և երիտասարդության հարցերի խորհրդարանական հանձնաժողովի նախագահ Գիվի Միկանաձեն ասել է, որ նիստերին ընդդիմության բացակայությունը նշանակում է, որ նրանք կա՛մ դեմ են այս օրենքի ընդունմանը, կա՛մ խուսափում են պատասխանատվությունից։
Ընդդիմադիր պատգամավոր Ռոման Գոցիրիձեն լրագրողներին ասել է, որ ինքն ու իր համախոհները հակասահմանադրական են համարում օրինագծերի փաթեթը, այդ պատճառով հրաժարվում են մասնակցել քննարկմանը։
