03.06.2026 | 19:01
«Հանրապետություն» կուսակցության քարոզարշավը․ ՈՒՂԻՂ
«Հըզբոլլահ»-ը հարվածներով է սպառնացել Իսրայելին ու Կիպրոսին
Քաղաքականություն
20.06.2024 | 14:52
Իսրայելի և լիբանանյան «Հըզբոլլահ» շարժման միջև լայնամասշտաբ պատերազմի դեպքում Իսրայելի ամբողջ տարածքում չեն լինի ապահով վայրեր, որտեղ հնարավոր կլինի խուսափել հրթիռային հարձակումներից: Այս մասին հայտարարել է «Հըզբոլլահ»-ի առաջնորդ Հասան Նասրալլան, փոխանցում է Reuters-ը։
«Թշնամին գիտի, որ մենք պատրաստվում ենք վատթարագույնին, և որ ոչ մի տեղ մեր հրթիռներից հնարավոր չի լինի խուսափել»,- ասել է Նասրալլան:
Շարժման ղեկավարի խոսքով՝ Իսրայելը «նման լայնածավալ ճակատամարտի դեպքում գիտի, որ պետք է սպասի «Հըզբոլլահ»-ի հարձակումներին «ցամաքում, օդում և ծովում»։
Նա սպառնացել է նաև Կիպրոսին՝ ԵՄ անդամ երկրին մեղադրելով Իսրայելին օդանավակայաններ ու բազաներ տրամադրելու համար՝ Լիբանանի վրա հարձակումներ իրականացնելու նպատակով։ Նասրալլան վստահեցրել է, որ իր շարժումը կպայքարի «առանց կանոնների» և «առանց սահմանափակումների» լայնամասշտաբ ռազմական հակամարտության դեպքում։
Հունիսի 18-ին Իսրայելի պաշտպանության բանակը հայտարարել է, որ հաստատել է Լիբանանում հարձակման օպերատիվ մարտական պլանները:
