09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Էստոնիան Ֆրանսիայից 12 Caesar համակարգ կգնի
Քաղաքականություն
20.06.2024 | 15:10
Էստոնիան շարունակում է զինվել Ուկրաինայի դեմ Ռուսաստանի ագրեսիվ պատերազմի ֆոնին. ԵՄ և ՆԱՏՕ-ի անդամ երկիրը որոշել է Ֆրանսիայից գնել 12 Caesar ինքնագնաց հրետանային կայանք։ DW-ի ռուսական ծառայության հաղորդմամբ՝ այս մասին հայտնել է Տալլինի Էստոնիայի պաշտպանական ներդրումային կենտրոնը։
Գերատեսչությունում նշել են, որ 155 մմ տրամաչափի 6 ինքնագնաց հրետանային կայանքները պետք է մատակարարվեն մինչև 2024 թվականի վերջ, իսկ մնացածը՝ մինչև 2025 թվականի կեսերը։
Տեղեկատվության համաձայն՝ է՛լ ավելի շատ Caesa» գնելու հնարավորությամբ պայմանագիրը ստորագրվել է Eurosatory-2024-ին, որը կայացել է Փարիզում։ Գործարքի արժեքը չի բացահայտվել։ Հայտարարության մեջ Էստոնիայի պաշտպանության նախարար Հաննո Պևկուրը Caesar-ը բնութագրել է որպես «զենքի համակարգ, որը հաջողությամբ ցուցադրել է իրեն Ուկրաինային ռուսական ագրեսիայից պաշտպանելու գործում»:
Տալլինն ակնկալում է ձեռք բերված ինքնագնացների օգնությամբ ստանալ «շարժական, ճկուն և հեռահար կրակային աջակցություն»։
Caesar-ի արտադրողը KNDS-ի սպառազինության խումբն է, որի կազմում են գերմանական Krauss-Maffei-Wegmann և ֆրանսիական Nexter ընկերությունները։ Էստոնական լրատվամիջոցները ներկայացրել են երկրի պաշտպանության նախարարության կողմից գնված կայանքների հիմնական բնութագրերը․ քաշը՝ 17,7 տոննա, չափերը՝ 9,86 մ x 2,55 մ x 2,70 մ, կրակի արագությունը՝ րոպեում 4-6 կրակոց, կրակի առավելագույն հեռահարությունը՝ 42 կմ, անձնակազմը՝ 6 հոգի։
