21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Անօդաչու թռչող սարքերը հարվածներ են հասցրել Ադիգեայում և Տամբովում նավթի պահեստներին
Քաղաքականություն
20.06.2024 | 14:10
ՌԴ Կրասնոդարի երկրամասի Սլավյանսկի Կուբան քաղաքում հունիսի 20-ի գիշերն անօդաչու թռչող սարքի հարձակման հետևանքով ավերվել է առանձնատուն, մեկ կին է զոհվել, հայտնում է շրջանի ղեկավար Վենիամին Կոնդրատևը։ Տեղում աշխատում են օպերատիվ և արտակարգ ծառայությունները, որոնք մաքրում են փլատակները, գրում է Current Time-ը։
Նշվում է, որ Աֆիպսկի նավթավերամշակման գործարանում հրդեհ է բռնկվել, սակայն տարածաշրջանային օպերատիվ շտաբը հայտարարել է, որ այդ տեղեկությունը հավաստի չէ։
Telegram-ի ալիքները գրել են նաև Ադիգեայի Էնեմ գյուղում գտնվող LUKOIL-Yugnefteprodukt ընկերության նավթային պահեստի վրա անօդաչու թռչող սարքի հարձակման մասին։ Հանրապետության ղեկավար Մուրատ Կումպիլովն ավելի ուշ հաստատել է, որ նավթի պահեստում հրդեհ է եղել, որն արդեն մարվել է։ Հրդեհի մակերեսը կազմել է 400 քմ։
Տամբովի մարզի նահանգապետ Մաքսիմ Եգորովը հայտնել է, որ առավոտյան Ռասկազովսկի մունիցիպալ շրջանի Պլատոնովսկայա նավթային պահեստի տարածքում հրդեհ է բռնկվել։ Ենթադրաբար, ձեռնարկությանը հարվածել է անօդաչու թռչող սարք։ ԱԹՍ-ի բեկորներ են հայտնաբերվել Պերվոմայսկի շրջանում։
