11.08.2026 | 09:43
Արմավիրի մարզում 2026-ի առաջին կիսամյակում սպանության, սպանության փորձի և ավազակության բոլոր դեպքերը բացահայտվել են. ՆԳՆ
Գալուզինն արձագանքել է ՀՀ-ի կողմից ֆրանսիական CAESAR-ների ձեռքբերմանը
Քաղաքականություն
19.06.2024 | 18:26
Ֆրանսիական ինքնագնաց հրետանային CAESAR 155 միլիմետրանոց համակարգերի մատակարարումը Հայաստանին վտանգում է հանգեցնել իրավիճակի վատթարացման։ Այս մասին ՌԻԱ Նովոստիին ասել է Ռուսաստանի փոխարտգործնախարար Միխայիլ Գալուզինը։
Նա մեկնաբանել է Հայաստանի և Ֆրանսիայի միջև CAESAR-ի խմբաքանակ ձեռք բերելու գործարքը։
«Ես չգիտեմ տարածաշրջան, որտեղ արևմտյան զենքի մատակարարումները կբարելավեին իրավիճակը»,- հայտարարել է Գալուզինը՝ նշելով, թե պնդումը լիովին վերաբերում է Հարավային Կովկասին։
ՌԴ ԱԳՆ պաշտոնական ներկայացուցիչ Մարիա Զախարովան ևս մեկնաբանել է Ֆրանսիայի կողմից ՀՀ-ին CAESAR հրետանային համակարգեր մատակարարելու մասին պայմանագիրը՝ հայտարարելով, թե սա «էսկալացիա հրահրելու ևս մեկ քայլ է»։
