06.04.2026 | 23:30
Հրդեհ Թաիրով բնակավայրում. այրվել է ավտոմեքենա
Զախարովան՝ Ֆրանսիայի կողմից Հայաստանին CAESAR հրետանային համակարգեր մատակարարելու մասին․ ՏԵՍԱՆՅՈՒԹ
Քաղաքականություն
19.06.2024 | 15:51
ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Ֆրանսիայի կողմից ՀՀ-ին CAESAR հրետանային համակարգեր մատակարարելու մասին պայմանագիրը։ Նրա խոսքով՝ այս պայմանագիրն «էսկալացիա հրահրելու ևս մեկ քայլ է»։
Զախարովայի պնդմամբ՝ «Ֆրանսիան չի առաջնորդվում Հայաստանի շահերով, այլ միայն ձգտում է օգտագործել տարբեր երկրների ներսում առկա տարաձայնությունները՝ որպես սեփական կոնյունկտուրային նպատակներին հասնելու գործիք»։
Հիշեցնենք, որ ավելի վաղ Փարիզում Հայաստանի և Ֆրանսիայի պաշտպանության նախարարների բանակցություններից հետո ստորագրվել է CAESAR հրետանային համակարգերի մատակարարման պայմանագիր։
Պայմանագրի կնքման մասին X-ի իր էջում գրառում էր արել Ֆրանսիայի զինված ուժերի նախարար Սեբաստիան Լըկորնյուն՝ ՊՆ ղեկավար Սուրեն Պապիկյանի հետ լուսանկար հրապարակելով, որում հայ և ֆրանսիացի պաշտոնյաների ձեռքին հրետանային այս համակարգի մանրակերտն էր։
Մանրամասները՝ տեսանյութում։
