22.11.2024 | 14:03
Բաքուն COP29-ի շրջանակներում «Ադրբեջանական Երևան» միջոցառում է անցկացնելու
Կառավարությունը 576 մլն դրամի հարկային արտոնություն է տալիս Աշոտ Արսենյանին պատկանող «Ջերմուկ գրուպ»-ին
Տնտեսություն
19.06.2024 | 18:35
Կառավարությունը չզեկուցվող հարցերի փաթեթով որոշել է գերակա ոլորտում իրականացվող ներդրումային ծրագրի շրջանակներում 576 մլն դրամի հարկային արտոնություն տալ ԱԺ ՀՀԿ-ական նախկին պատգամավոր Աշոտ Արսենյանին պատկանող «Ջերմուկ գրուպ» ընկերությանը։ Հիմնավորման մեջ նշվում է, որ ընկերության կողմից անհրաժեշտություն է առաջացել ներմուծել պլաստմասե տակդիրներ, որոնք նախատեսվում է օգտագործել արտադրվող կամ ներմուծվող ապրանքները անվտանգ փոխադրելու և փոխադրման ընթացքում վնասվածքների նվազագույն ռիսկերով մատակարարման համար։
«Ջերմուկ գրուպ» ընկերության կողմից ներմուծվող հումքը նախատեսվում է օգտագործել պոլիէթիլենային ջերմակցման թաղանթի արտադրության համար, իսկ թամբային քարշակներ և սառնարանային կիսակցորդները՝ թողարկված արտադրանքը արտահանելու նպատակով։ Արտադրությունն իրականացվելու է ՀՀ Վայոց ձորի մարզում։ «Ջերմուկ գրուպ»-ը նախատեսում է թողարկված արտադրանքի 80 տոկոսը և ավելին արտահանել ԵՄ երկրներ, ԱՄԷ, ԱՄՆ Վրաստան և այլ երկրներ։
«Ջերմուկ գրուպ»-ը հիմնադրվել է 1996 թվականին, հիմնադիրը Աշոտ Արսենյանն է։ Հիշեցնենք, որ Աշոտ Արսենյանն առաջիններից էր, որ 2018 թվականին լքեց ՀՀԿ-ի շարքերը։ Իշխանափոխությունից հետո նրա որդին՝ Վահագն Արսենյանը 2021 թվականին «Քաղաքացիական պայմանագիր» կուսակցության ցուցակով ընտրվեց Ջերմուկ համայնքի ղեկավար։
Մանյա Պողոսյան
