01.05.2026 | 09:46
Աշխատում է քաղաքացին՝ զարգանում է տնտեսությունը՝ ապահովելով պետության առաջընթացը․ Ալեն Սիմոնյան
Վիճաբանության ժամանակ բահով հարվածել էր հարևանի գլխին
Հասարակություն
19.06.2024 | 18:09
Հունիսի 18-ին, ժամը 16.20-ին, ՆԳՆ ոստիկանության Կոտայքի մարզի օպերատիվ կառավարման կենտրոն զանգած քաղաքացին խնդրել էր, որ Եղվարդ քաղաքի Չարենցի փողոցի տներից մեկը շտապ ոստիկան մոտենա․ տեղեկացնում են ՆԳՆ ոստիկանությունից։
Ոստիկանության Նաիրիի բաժնից մեկնած օպերատիվ խումբը պարզել է, որ ժամը 16-ին հարևանների միջև կենցաղային հարցերի շուրջ վիճաբանություն է եղել, որի ընթացքում էլ 35-ամյա երիտասարդը բահով հարվածել է 69-ամյա հարևանի գլխին՝ պատճառելով մարմնական վնասվածք:
Հետագա միջոցառումներով պարզվել է, որ 69-ամյա տղամարդը իր հողամասում որսորդական հրացանից օդ է կրակել, ինչի պատճառով էլ հարևանների միջև վիճաբանություն է սկսվել, ձեռքերով և ոտքերով հարվածներ են հասցրել միմյանց, իսկ 35-ամյա երիտասարդը բահով խփել է 69-ամյա հարևանի գլխին:
69-ամյա տղամարդուն պատկանող «ՏՕԶ» տիպի որսորդական ողորկափող հրազենը առգրավվել և կազմված փաստաթղթերի հետ ներկայացվել է Նաիրիի քննչական բաժին:
