09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
ԵՄ 2025թ․ բյուջեով Ուկրաինային ավելի քան 15 միլիարդ եվրոյի օգնություն կտրամադրվի
Քաղաքականություն
19.06.2024 | 18:51
Եվրահանձնաժողովն առաջարկել է ԵՄ 2025 թվականի բյուջեի նախագիծը, որը նախատեսում է ավելի քան 15 միլիարդ եվրոյի օգնություն Ուկրաինային, ինչը «կայուն և կանխատեսելի աջակցություն կցուցաբերի Ուկրաինային», գրում է BBC-ի ռուսական ծառայությունը։
2025 թվականի ընդհանուր բյուջեն նախագծով սահմանվում է 199,7 միլիարդ եվրո՝ ներառյալ Ուկրաինային աջակցությունը։
Հանձնաժողովի հայտարարության մեջ ասվում է, որ «4,3 միլիարդ եվրոն հասանելի կլինի Ուկրաինայի հիմնադրամի դրամաշնորհների տեսքով, որը կլրացվի 10,9 միլիարդ եվրոյի վարկերով»:
ԵՄ խորհուրդը մարտին համաձայնեցրել է Եվրամիության 2025 թվականի բյուջեի հիմնական սկզբունքները, որոնք նախատեսում են «կայուն օգնություն Ուկրաինային»։
«Խորհուրդը վերահաստատում է, որ ԵՄ-ն գործընկերների հետ միասին հավատարիմ է մնում Ուկրաինային ֆինանսական աջակցություն ցուցաբերելուն այնքան ժամանակ, որքան անհրաժեշտ է, ինչպես նաև աջակցելու է նրա ճկունությանը և երկարաժամկետ վերականգնմանը»,- ասվում է ԵՄ խորհրդի հաղորդագրության մեջ:
