09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
ԱՄՆ-ում առաջարկել են 100 մլն դոլարով ավելացնել Հայաստանի ֆինանսավորումը
Քաղաքականություն
19.06.2024 | 13:01
ԱՄՆ Կոնգրեսի Հայկական հարցերով հանձնախմբի համանախագահ, կոնգրեսական Ֆրենկ Փալոնը և Ներկայացուցիչների պալատի անդամ Նիքըլ Մալիոտակիսն առաջարկել են երկկուսակցական փոփոխություն կատարել Պետական և արտաքին գործառնությունների հատկացումների մասին օրինագծում (FY25 SFOPS): Այս մասին հայտնում է Ամերիկայի հայկական համագումարը (Armenian Assembly of America)։
Առաջարկվում է Եվրոպայի, Եվրասիայի և Կենտրոնական Ասիայի օգնության դաշնային հաշվի (AEECA) շրջանակում Հայաստանի Հանրապետությանը հատկացվող օգնությունն ավելացնել 100,000,000 դոլարով։
Նշում է, որ ֆինանսավորումը կաջակցի Լեռնային Ղարաբաղից տուժածներին, ովքեր ստիպված են եղել լքել իրենց նախնիների հայրենիքը 2023 թվականին Ադրբեջանի լայնածավալ հարձակման պատճառով և ներկայում բնակվում են Հայաստանում:
