ՌԴ խոշոր բանկերը դադարեցրել են արտոնյալ հիփոթեքային վարկերի դիմումների ընդունումը

ՌԴ խոշոր բանկերը սկսել են փակել արտոնյալ հիփոթեքային վարկերի նոր դիմումների ընդունումը, թեև կառավարության հիմնական ծրագրերը պաշտոնապես կավարտվեն միայն հուլիսի 1-ին, հայտնում է ՌԲԿ-ն։

Մասնավորապես, «Ռոսիա» բանկը, «Ակ Բարսը» և «Պրոմսվյազ բանկն» այլևս չեն ընդունում 8%-ով հիփոթեքային վարկերի հայտեր: «Ռոսիա»-ի աշխատակիցը նշել է, որ զուտ տեխնիկապես հաճախորդները կարող են դիմել հիփոթեքային վարկի համար, սակայն դիմումների մշակման ստանդարտ ժամկետը մինչև 14 օր է, և նման դիմումը չի բավարարվի։

«Մենք չենք կարող խոստանալ, որ կստորագրենք [գործարքը], որ կհասնենք վերջնաժամկետին, քանի որ ծրագիրը գործում է մինչև հուլիսի 1-ը»,- պարզաբանել է ՌԲԿ-ի զրուցակիցը։

Ըստ «Հիփոթեք և անշարժ գույք» Telegram-ալիքի՝ Alfa Bank-ը նաև ծանուցել է հաճախորդներին, որ հունիսի 17-ից հետո ներկայացված բնակարան գնելու համար արտոնյալ վարկերի հայտերը, «մեծ հավանականությամբ, ժամանակի մեջ չեն տեղավորվի՝ գործարքը կնքելու համար»:

Բացի այդ, հունիսի 19-ից ընտանեկան և արտոնյալ հիփոթեքային վարկերի դիմումներն այլևս չեն դիտարկվի «ՄՏՍ Բանկի» կողմից, իսկ հունիսի 21-ից՝ «Փոստ Բանկի» կողմից։

«Այժմ հաճախորդներից նոր դիմումներ ընդունելու գործնական իմաստ չկա, քանի որ բանկին ժամանակ է պետք՝ հայտը հաստատելու, հաճախորդի համար օբյեկտ ընտրելու և նրան գործարքին հասցնելու համար։ Բանկն այժմ ձևավորել է հաճախորդների մի խումբ, ովքեր մինչև հունիսի վերջ գործարքներ կկատարեն այս ծրագրի շրջանակում՝ նախկինում հաստատված դիմումների հիման վրա»,- պարզաբանել է ՄՏՍ-Բանկը: