02.06.2026 | 18:55
Արթուր Օսիպյանի մի քանի իրավունք է խախտվել․ Իզաբելլա Սարգսյան
ՌԴ-ում ամերիկացի սերժանտը դատապարտվել է շուրջ 4 տարվա ազատազրկման
Քաղաքականություն
19.06.2024 | 16:02
ՌԴ-ում Վլադիվոստոկի դատարանն ամերիկացի զինվորական Գորդոն Բլեքին դատապարտել է 3 տարի 9 ամիս ժամկետով ազատազրկման՝ մեղավոր ճանաչելով սպանության սպառնալիքների և գողության համար, գրում է DW-ի ռուսական ծառայությունը։
Պաշտպանական կողմը բողոքարկում է դատավճիռը։
Բլեքը մայիսին ձերբակալվել էր Վլադիվոստոկում, որտեղ նա այցի էր գնացել իր ռուս ընկերուհուն՝ Ալեքսանդրա Վաշչուկին, ում հետ ծանոթացել էր Հարավային Կորեայում ծառայելու ընթացքում ծանոթությունների հավելվածի միջոցով։ Գործի նյութերի համաձայն՝ Բլեքը վիճաբանության ժամանակ բռնել է աղջկա վզից, իսկ Վաշչուկը դա ընկալել է որպես «իր կյանքի համար իրական սպառնալիք»։
Ամերիկացուն մեղադրել են նաև զոհի դրամապանակից 10 հազար ռուբլի գողանալու մեջ։ Առաջին կետի համար առավելագույն պատիժը մինչև 5 տարի ազատազրկում է, երկրորդի համար՝ մինչև 2 տարի ազատազրկումը։ Մեղադրող կողմը խնդրել է Բլեքին դատապարտել 4 տարի 8 ամիս ազատազրկման։
Բլեքի խոսքով՝ աղջիկն ինքն է վիճաբանության ժամանակ անընդհատ հարձակվել իր վրա։ Նա հերքել է, որ ծեծել է տուժողին։ Բլեքի փաստաբանները նշել են, որ նրա աշխատավարձը կազմում է 7 հազար դոլար, և 10 հազար ռուբլի գողանալու իմաստ չկար, որոնք, ընդ որում, երբ ընդհանուր բյուջե ունեին։
«Ես ինձ մեղավոր չեմ ճանաչում սպանության սպառնալիքի մեջ, գողության մեջ՝ մասամբ եմ մեղավոր, գողության մտադրություն չի եղել»,- ասել է Գորդոն Բլեքը:
Բլեքը 34 տարեկան է։ Վերադասները ծառայության ավարտին նրան գործուղել էին Հարավային Կորեա, որտեղից նա պետք է վերադառնար ԱՄՆ, սակայն մինչ այդ նա որոշել է մեկնել Վլադիվոստոկ՝ այցելելու Ալեքսանդրա Վաշչուկին։
