14.12.2025 | 11:41
Ապարանի համայնքապետարանը՝ քամու պատճառած վնասների մասին
Փարիզը պատրաստվում է Օլիմպիական խաղերին և ուժեղացնում է անվտանգության միջոցառումները
Քաղաքականություն
18.06.2024 | 23:03
Ֆրանսիան ուժեղացնում է անվտանգությունը հաջորդ ամիս Փարիզի Օլիմպիական խաղերի բացման աննախադեպ արարողությունից առաջ։ Ֆրանսիական բանակի ներկայացուցիչը AP-ին ասել է, որ Fennec ուղղաթիռները պարեկություն կիրականացնեն քաղաքում և կպաշտպանեն օդային տարածքն այդ օրը, փոխանցում է Euronews-ը։
Հուլիսի 26-ի հավակնոտ բացման արարողությունն անվտանգության առումով լուրջ մարտահրավեր է:
Շատ սպասված իրադարձության օրը շուրջ 200 օլիմպիական պատվիրակություններ կմիանան գետային շքերթին ավելի քան 80 նավակներով: Նրանք կշրջեն արևելքից արևմուտք վեց կիլոմետրանոց երթուղով։
Ապրիլին Փարիզի ոստիկանապետ Լորան Նունյեսն ասել էր, որ շքերթի երթուղին կանցնի «հակաահաբեկչական շրջագիծ» կոչվող խիստ անվտանգության գոտով: Այն կներառի երթուղու երկայնքով շենքերի առաջին շարքը։ Բոլոր նրանք, ովքեր ցանկանում են տարածք մուտք գործել հուլիսի 26-ին, պետք է նախապես գրանցվեն առցանց և ենթարկվեն զննման:
Ֆրանսիայի կառավարությունը նաև որոշել է, որ անվտանգության նկատառումներից ելնելով՝ զբոսաշրջիկներին անվճար մուտք չի լինի բացման արարողությանը։ Մուտքը կլինի միայն հրավերով։
Ապրիլի կեսերին Ֆրանսիայի նախագահ Էմանուել Մակրոնը հայտարարել էր, որ արարողությունը կարող է տեղափոխվել «Ստադ դե Ֆրանս», եթե սպառնալիքի մակարդակը չափազանց բարձր լինի: Բայց երկուշաբթի Ֆրանսիայի իշխանությունները հայտարարեցին, որ իրադարձություններն այդ օրը կշարունակվեն այնպես, ինչպես նախատեսված էր, և այս պահին այլընտրանքներ չեն նախապատրաստվում:
