Քաղաքականություն
18.06.2024 | 18:01
Իրանի հյուսիսարևելյան Ռազավի Խորասան նահանգի Քաշմար բնակավայրում 5 մագնիտուդով երկրաշարժ է տեղի ունեցել, որի հետևանքով երկու զոհ կա, հաղորդում է Iran International-ը։
Քաշմարի քաղաքապետը հայտնել է, որ երեքշաբթի քաղաքում տեղի ունեցած երկրաշարժի հետևանքով երկու տղամարդիկ մահացել են շենքի ճակատամասի փլուզման հետևանքով։ Հաղորդվում է նաև 33 վիրավորի մասին։
Իրանական լրատվամիջոցները հայտնում են, որ 5,0 բալանոց երկրաշարժը տեղի է ունեցել վեց կիլոմետր խորության վրա:
IRNA-ի հաղորդմամբ էլ՝ Կարմիր մահիկի երկու գնահատման խումբ է ուղարկվել Քաշմարի տուժած շրջաններ՝ հնարավոր վնասները գնահատելու համար:
