16.03.2026 | 17:12
Քննարկվել են զբոսաշրջության ոլորտում համագործակցության զարգացման հնարավորությունները. ավարտվել է MITT 2026 ցուցահանդեսը
Ռուսաստանը խոստովանել է, որ իր A-50 լրտեսական ինքնաթիռը խոցվել է Ուկրաինայի ԶՈՒ-ի կողմից
Քաղաքականություն
18.06.2024 | 18:21
Ռուսաստանը խոստովանել է, որ փետրվարի 23-ին իր А-50 լրտեսական ինքնաթիռը խոցվել է ուկրաինացի զինվորականների կողմից։ Այս մասին են վկայում Քննչական կոմիտեի և Մոսկվայի ընդհանուր իրավասության դատարանների հրապարակած հաղորդագրությունները, որոնք հայտնել են Ուկրաինայի ԶՈւ 138-րդ զենիթահրթիռային բրիգադի հրամանատար, գնդապետ Նիկոլայ Ձյամանի հեռակա ձերբակալության մասին, փոխանցում է DW-ի ռուսական ծառայությունը։
ՌԴ իշխանությունները Ձյամանին մեղադրում են ահաբեկչության մեջ։ Հետաքննության նյութերի համաձայն՝ Ձյամանը հրամայել է ոչնչացնել А-50-ը՝ իմանալով, որ ինքնաթիռը «նախատեսված չէ ռազմական գործողություններ կատարելու համար և չունի սպառազինություն», և այն «թռել է բացառապես ՌԴ օդային տարածքում»։
Ուկրաինացի սպայի նկատմամբ հետախուզում է հայտարարվել։ Մոսկվայում տեղի ունեցած դատական նիստում նրան ներկայացրել է դատարանի կողմից նշանակված փաստաբան Վիկտոր Աբաշինը, որը հայտարարել է, թե դեմ է Ձյամանի ձերբակալությանը։
A-50 օդադեսանտային վաղ նախազգուշացման ինքնաթիռը խոցվել էր այս տարվա փետրվարի 23-ին։ Դրա բեկորները հայտնաբերվել են Կրասնոդարի երկրամասի Կանևսկի շրջանի Տրուդովայա Արմենիա բնակավայրի տարածքում։
