07.10.2026 | 13:32
Դելին ու Երևանը քննարկում են Հայաստանում Pinaka Mk-II-ի արտադրության և հավաքման հնարավորությունը․ հնդկական ԶԼՄ
Էստոնիայում Տարտուի համալսարանի պրոֆեսորին 6 տարվա ազատազրկման են դատապարտել՝ ՌԴ հատուկ ծառայությունների հետ աշխատելու համար
Քաղաքականություն
18.06.2024 | 18:10
Էստոնիայում դատարանը Ռուսաստանի քաղաքացի, Տարտուի համալսարանի պրոֆեսոր Վյաչեսլավ Մորոզովին դատապարտել է 6 տարի 3 ամիսվ ժամկետով ազատազրկման՝ ռուսական հետախուզական ծառայությունների հետ աշխատելու համար, գրում է Current time-ը՝ վկայակոչելով տեղական լրատվամիջոցներին։
Մորոզովին մեղավոր են ճանաչել Էստոնիայի Հանրապետության դեմ օտարերկրյա հետախուզական ծառայության շահերից և անունից հանդես գալու մեջ (Քրեական օրենսգրքի 234-2-րդ հոդվածի 1-ին մաս): Քննության վարկածով՝ նա մի քանի տարի շարունակ, ելնելով ռուսական հետախուզական ծառայությունների շահերից, վարձավճարի դիմաց տեղեկություններ է հավաքել Էստոնիայի ներքին քաղաքականության, պաշտպանության և անվտանգության քաղաքականության, ինչպես նաև դրա հետ կապված մարդկանց և ենթակառուցվածքների մասին։
Էստոնիայի անվտանգության ոստիկանության գլխավոր տնօրեն Մարգո Պալսոնն ասել է, որ դատապարտյալը տեղեկություններ է փոխանցել ռուսական հատուկ ծառայությունների գործակալներին, ինչի համար պարբերաբար մեկնել է Ռուսաստան։ Չի հաղորդվում՝ արդյո՞ք Մորոզովն ընդունել է մեղքը։
Վյաչեսլավ Մորոզովին ձերբակալել էին այս տարվա հունվարին, որից հետո դատարանը երկու ամսով կալանավորելու որոշում էր կայացրել։ Հետագայում նրա խափանման միջոցը երկու անգամ երկարացվել է։
