30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Գազայի հատվածում մայիսից ի վեր շուրջ 1 միլիոն պաղեստինցի է տեղահանվել. ՄԱԿ
Քաղաքականություն
18.06.2024 | 23:18
Շուրջ 1 միլիոն պաղեստինցի կրկին բռնի տեղահանվել է Գազայի հատվածում այն բանից հետո, երբ Իսրայելը մայիսին ակտիվացրել է գործողությունները Ռաֆահում: Այս մասին հայտարարել է ՄԱԿ-ի Մարդու իրավունքների գերագույն հանձնակատար Ֆոլքեր Թյուրքը՝ Ժնևում բացված ՄԱԿ-ի Մարդու իրավունքների խորհրդի (ՄԻԽ) 56-րդ նստաշրջանում ներկայացնելով իր ղեկավարած գրասենյակի (OHCHR) գործունեության հաշվետվությունը։
Թյուրքն ասել է, որ «զարմացած է Գազայի հակամարտության կողմերի կողմից մարդու միջազգային իրավունքների և մարդասիրական իրավունքի անտեսումից»:
«Հոկտեմբերի 7-ից ի վեր Իսրայելի ինտենսիվ հարձակողական գործողությունները Գազայի հատվածում սպանել կամ վիրավորել են ավելի քան 120,000 մարդու, հիմնականում՝ կանանց և երեխաների»,- նշել է նա։
Այն բանից հետո, երբ Իսրայելը մայիսի սկզբին ակտիվացրել է ռազմական գործողությունները Ռաֆահում, շուրջ մեկ միլիոն պաղեստինցի կրկին բռնի տեղահանվել է, իսկ օգնության մատակարարումն ու հասանելիությունն է՛լ ավելի են վատթարացել:
Իր հերթին, «պաղեստինյան զինված խմբավորումները շարունակում են մեծ թվով պատանդների պահել, որոշ դեպքերում՝ խիտ բնակեցված տարածքներում՝ ավելի շատ վտանգելով նրանց և պաղեստինցի խաղաղ բնակիչներին»։
«Պատանդները պետք է ազատ արձակվեն»,- ընդգծել է Թյուրքը։
Վկայակոչելով ՄԻՀԳ աշխատակիցների կողմից փաստագրված տեղեկությունները՝ Թյուրքը «լուրջ մտահոգություն է հայտնել ռազմական հանցագործությունների և այլ դաժան հանցագործությունների կատարման վերաբերյալ»:
«Ես կոչ եմ անում հետևել Անվտանգության խորհրդի և Միջազգային դատարանի որոշումներին»,- ասել է ՄԱԿ-ի պաշտոնյան։
