16.03.2026 | 17:12
Քննարկվել են զբոսաշրջության ոլորտում համագործակցության զարգացման հնարավորությունները. ավարտվել է MITT 2026 ցուցահանդեսը
Իտալիան կարող է Ուկրաինային Storm Shadow հեռահար հրթիռներ մատակարարել
Քաղաքականություն
18.06.2024 | 16:32
Օգնության 9-րդ փաթեթի շրջանակում Իտալիայի իշխանությունները կարող են Ուկրաինային մատակարարել Storm Shadow հեռահար թևավոր հրթիռների խմբաքանակ, հայտնում է Il Fatto quotidiano-ն՝ հղում անելով աղբյուրներին։
Օգնության փաթեթը նախատեսվում է ներկայացնել մինչև հունիսի վերջ։
Պարբերականի տվյալներով՝ հրթիռների մատակարարումն ապահովող միջգերատեսչական հրամանագիրը պետք է ստորագրվի մինչև հուլիսի 9-11-ը Վաշինգտոնում կայանալիք ՆԱՏՕ-ի գագաթնաժողովը։ Ըստ աղբյուրի՝ այս որոշումը վկայում է Գիորգի Մելոնիի կառավարության դիրքորոշման փոփոխության մասին, որը նախընտրական քարոզարշավի ժամանակ չէր հայտարարել նման ծրագրերի մասին, քանի որ թեման հասարակության մեջ «ոչ այնքան պոպուլյար» էր։
Իտալիայի պաշտպանության նախարարությունը դեռևս չի մեկնաբանել տեղեկությունը։
Storm Shadow-ի թռիչքի հեռահարությունը գերազանցում է 550 կմ-ը։ Ապրիլի վերջին Մեծ Բրիտանիայի պաշտպանության նախարար Գրանտ Շափսը հայտարարել էր, որ Իտալիան այդ թևավոր հրթիռները կմտակարարի Ուկրաինային։
