07.10.2026 | 14:35
«Գիտուժ»-ը ահազանգում է․ 2027-ի բյուջեի նախագծում գիտության ռազմավարությամբ նախատեսված ծրագրերը ներառված չեն
Գերմանիան կգերազանցի ՆԱՏՕ-ի կողմից սահմանված պաշտպանական ծախսերը
Քաղաքականություն
18.06.2024 | 17:23
Գերմանիան այս տարի պաշտպանական կարիքների համար կհատկացնի ռեկորդային՝ 90,6 միլիարդ եվրո, ինչի արդյունքում վստահորեն կկատարի ՀՆԱ-ի երկու տոկոսը ռազմական ծախսերին հատկացնելու՝ ՆԱՏՕ-ի սահմանած չափանիշը։ Գերմանիայի կողմից հատկացված գումարը կկազմի ՀՆԱ-ի 2,12 տոկոսը՝ համաձայն հունիսի 18-ին հրապարակված ՆԱՏՕ-ի կանխատեսման, փոխանցում է DW-ի ռուսական ծառայությունը։
Ուկրաինայի դեմ Ռուսաստանի պատերազմի ֆոնին այս տարի Գերմանիան առաջին անգամ կհամապատասխանի ՆԱՏՕ-ի ռազմական ծախսերի չափորոշիչին՝ ՀՆԱ-ի 2 տոկոսին, որը սահմանված էր 2014 թվականից: Ընդհանուր առմամբ, դաշինքի 32 երկրներից 23-ը պետք է կատարեն սահմանված քվոտան, ասել է ՆԱՏՕ-ի գլխավոր քարտուղար Յենս Ստոլտենբերգը։
«ՆԱՏՕ-ի դաշնակիցներն այս տարի ավելացնում են պաշտպանական ծախսերը 18 տոկոսով, ինչը տասնամյակների ընթացքում ամենամեծ աճն է»,- ասել է նա ԱՄՆ նախագահ Ջո Բայդենին հունիսի 17-ի երեկոյան Սպիտակ տանը տեղի ունեցած հանդիպմանը:
Ստոլտենբերգը Վաշինգտոնում է՝ նախապատրաստվելու դաշինքի կազմավորման 75-ամյակին նվիրված հոբելյանական գագաթնաժողովին։ Հանդիպումը կկայանա ԱՄՆ-ում հուլիսին։
