24.06.2026 | 07:58
ԱԱ-2026. Կոլումբիան հաղթեց ու նվաճեց փլեյ-օֆֆի ուղեգիր. ՏԵՍԱՆՅՈՒԹ
Ազովի նավթապահեստի վրա հարձակման հետևում Կիևն է կանգնած․ BBC
Քաղաքականություն
18.06.2024 | 15:27
ՌԴ Ռոստովի մարզի վրա անօդաչու թռչող սարքերի հարձակումը, որի արդյունքում նավթի պահեստ է հրդեհվել, «հանդիսանում է Ուկրաինայի անվտանգության ծառայություն հատուկ գործողությունը»։ Այս մասին գրում է BBC-ի ռուսական ծառայությունը՝ հղում անելով ուժային կառույցում ուկրաինական ծառայության աղբյուրին։
Գիշերը Ռոստովի մարզի նահանգապետ Վասիլի Գոլուբևը հայտնել էր, որ Ազովում նավթամթերքով տանկ է այրվել։ ՌԴ ԱԻՆ-ը հայտնել է մեկ պահեստում հրդեհի մասին։
Պաշտոնապես չի հաղորդվել, թե որ օբյեկտի վրա են հարձակվել անօդաչու սարքերը։ Ազովի տարածքում են գտնվում Ազովի նավթի պահեստը, «Доннефтепродукт»-ի մասնաճյուղը, ինչպես նաև «Ազովսկի» նավթավերամշակման գործարանը:
BBC-ի ուկրաինական ծառայության աղբյուրը պնդում է, որ հրդեհից տուժել են «Ազովսկայա» և «Ազովնեֆտետպրոդուկտ» նավթային պահեստները, «ընդհանուր առմամբ՝ վառելիքի 22 բաք»:
Լրատվամիջոցը, միաժամանակ, նշում է, որ չի կարող ինքնուրույն հաստատել այս պնդումները։
