16.03.2026 | 17:12
Քննարկվել են զբոսաշրջության ոլորտում համագործակցության զարգացման հնարավորությունները. ավարտվել է MITT 2026 ցուցահանդեսը
ՌԴ-ում դատարանը հեռակա կարգով 10 տարվա ազատազրկման է դատապարտել ուկրաինական Ռադայի պատգամավորին
Քաղաքականություն
18.06.2024 | 15:08
ՌԴ 2-րդ Արևմտյան շրջանային զինվորական դատարանը հեռակա կարգով 10 տարվա ազատազրկման է դատապարտել Ուկրաինայի Գերագույն Ռադայի պատգամավոր Ալեքսեյ Գոնչարենկոյին, հայտնում է Mediazona-ն՝ հղում անելով դատարանի մամուլի ծառայությանը։
Գոնչարենկոն մեղավոր է ճանաչվել քաղաքական ատելության հիման վրա «ռազմական կեղծիքներ» տարածելու (ՌԴ ՔՕ 207.3-րդ հոդվածի 2-րդ մաս), ահաբեկչությունն արդարացնելու (ՌԴ ՔՕ 205.2-րդ հոդվածի 2-րդ մաս) և բռնության սպառնալիքով ատելություն հրահրելու համար (ՌԴ ՔՕ 282-րդ հոդվածի 2-րդ մաս), գրում է BBC-ի ռուսական ծառայությունը:
Թե կոնկրետ ինչն է դարձել ուկրաինացի պատգամավորի քրեական հետապնդման պատճառը, հայտնի չէ։
Գոնչարենկոն Պյոտր Պորոշենկոյի «Եվրոպական համերաշխություն» կուսակցությունից է։
