21.03.2026 | 14:44
«Ասում են` դերասանությամբ զբաղվի, մոտդ լավ ա ստացվում, բա ո՞վ քաղաքականությամբ զբաղվի, անբաննե՞րը». Մարության․ ՏԵՍԱՆՅՈՒԹ
Ամբողջ համակարգը լծված է շարժումը վարկաբեկելուն. Արծվիկ Մինասյան․ ՏԵՍԱՆՅՈՒԹ
Քաղաքականություն
18.06.2024 | 12:41
ՀՀ-ում կիրառում են բոլոր հնարավոր մեխանիզմները և մեթոդները, որպեսզի արհեստական ու կեղծ գործեր հարուցեն, այս մասին այսօր հրավիրված մամուլի ասուլիսում ասաց ՀՀ ԱԺ «Հայաստան» խմբակցության քարտուղար Արծվիկ Մինասյանը։ Նրա գնահատմամբ՝ ՀՅԴ կուսակցության գրասենյակների վրա «հարձակումներ են կազմակերպվում»։ Մինասյանի խոսքով՝ դատարանները Վայոց Ձորի մարզի ՀՅԴ գրասենյակի 5 անդամի նկատմամբ կալանքի որոշում են կայացրել, նրանցից 4-ը 2 ամսով է կալանավորվել, իսկ մեկը` 1 ամսով, 3 անձ էլ տնային կալանքի տակ է` 2-ական ամսով։Արծվիկ Մինասյանի փոխանցմամբ, ևս 1 անձի նկատմամբ կիրառվել է գրավը որպես խափանման միջոց, մեկ այլ անձի նկատմամբ էլ երկրից բացակայելու արգելքը։ Խոսքը միայն Վայոց Ձորի մարզի ՀՅԴ գրասենյակի անդամների մասին է։
«Բոլոր հնարավոր մեթոդները կիրառում են, որպեսզի արհեստական կեղծ քրեական գործեր հարուցեն, հարձակում են կազմակերպում կուսակցության գրասենյակի նկատմամբ, միևնույն ժամանակ ամբողջ համակարգը լծված է նաև շարժումը վարկաբեկելուն»,- հայտարարեց ընդդիմադիր պատգամավորը։
Մանրամասերը՝ տեսանյութում։
