06.12.2025 | 19:41
ԿԳՄՍ նախարարությունը մեկնարկել է վորկաութի և առողջ ապրելակերպի խթանման ծրագիր
Թուրքիան օգնել է կանխել Մոսկվայում «Կրոկուս»-ից հետո երկրորդ ահաբեկչությունը․ Hurriyet
Քաղաքականություն
18.06.2024 | 12:57
Թուրքիայի հատուկ ծառայությունները զգուշացրել են ՌԴ-ի իրենց գործընկերներին Մոսկվայում «Կրոկուս սիթի հոլլ»-ում հարձակումից հետո նախապատրաստվող երկրորդ ահաբեկչության մասին։ Այս մասին հայտնում է թուրքական իշխանամերձ Hurriyet-ը։
Նշվում է, որ երկրորդ հարձակումը ծրագրել է «Վիլայաթ Խորասան» ահաբեկչական կազմակերպությունը՝ «Կրոկուս»-ում առաջին հարձակումից հետո։ Նրանք դա նախապատրաստել են մարդաշատ առևտրի կենտրոնում։
Ըստ լրատվամիջոցի՝ թուրքական հետախուզությունը կանխել է երկրորդ խոշոր հարձակումը՝ կապ հաստատելով Մոսկվայի հետ։
Նշվում է նաև, որ Ստամբուլի կաթոլիկ Սանտա Մարիա եկեղեցու վրա հունվարին տեղի ունեցած հարձակումը նույնպես կազմակերպել են այս խմբավորման անդամները։ Այս գործի շրջանակում բացահայտել են մի քանի անձանց, հարցաքննել, ինչից հետո կապ են հաստատել ռուսական կողմի հետ։
«Կրոկուս»-ում հարձակում իրականացրածներից երկուսն ահաբեկչությունից առաջ եղել են Թուրքիայում, որի մասին ևս ռուսական կողմը տեղեկացվել է։
Հիշեցնենք, որ մերձմոսկովյան «Կրոկուս սիթի հոլլ»-ում ահաբեկչություննը իրականացվել է մարտի 22-ին, զոհվել է 144 մարդ, վիրավորվել՝ 551-ը։
