30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ռոստովի մարզում ԱԹՍ-ները հարվածել են նավթի պահեստին․ հրդեհ է բռնկվել
Քաղաքականություն
18.06.2024 | 12:02
Հունիսի 18-ի գիշերը անօդաչու սարքերը հարվածել են Ռոստովի մարզի Ազով քաղաքի նավթի պահեստին, հարձակման վայրում ուժեղ հրդեհ է բռնկվել, հայտնում է շրջանի նահանգապետ Վասիլի Գոլուբևը։
ՌԴ ԱԻՆ-ի տվյալներով՝ այրվում է վառելիքի բաք՝ հինգ հազար խորանարդ մետր տարողությամբ։ Հրդեհի մարմանը ներգրավվել է հրշեջ գնացք և 39 միավոր տեխնիկա։
«Նախնական տվյալներով՝ զոհեր և վիրավորներ չկան։ Ռոսպոտրեբնադզորի լաբորատորիան հետևում է շրջակա միջավայրի վիճակին։ Չի հաստատվել աղտոտիչների առավելագույն թույլատրելի կոնցենտրացիաների գերազանցում: Փորձագետների կարծիքով՝ այլ օբյեկտներ կրակի տարածման կամ բնակիչների համար սպառնալիք չկա»,- նշել է Գոլուբևը։
Astra տելեգրամ-ալիքի փոխանցմամբ՝ անօդաչու սարքերը գրոհել են «Ազովպրոդուկտ» ՓԲԸ-ի և «Դոն Տերմինալ» ՍՊԸ-ի նավթային տերմինալները։ Լայնածավալ հրդեհ է սկսվել, երբ անօդաչու թռչող սարքերը հարվածել են նավթամթերքով լցված բաքին «Ազովպրոդուկտում», իսկ «Դոն Տերմինալ» նավթային պահեստում անօդաչու թռչող սարքը հարվածել է դատարկ բաքին՝ մասամբ ոչնչացնելով այն։
