16.03.2026 | 15:38
Պրեմիեր լիգայում գոլ խփած ամենաերիտասարդ ֆուտբոլիստին ծափողջյուններով են դիմարել դպրոցում․ ՏԵՍԱՆՅՈՒԹ
Արևմուտքը ՀՀ իշխանություններին դրդել է սառեցնել մասնակցությունը ՀԱՊԿ-ին․ Գալուզին
Քաղաքականություն
18.06.2024 | 11:30
Ըստ ՌԴ փոխարտգործնախարար Միխայիլ Գալուզինի՝ Երևանի լիարժեք մասնակցությունը ՀԱՊԿ-ի աշխատանքներին ծառայում է Հարավային Կովկասում խաղաղության և կայունության պահպանման գործին», փոխանցում է ՌԻԱ Նովոստին։
«Երևանի լիարժեք մասնակցությունը ՀԱՊԿ-ի աշխատանքներին համապատասխանում է հայ ժողովրդի իղձերին և ծառայում է Հարավային Կովկասում խաղաղության և կայունության պահպանման գործին»,- հայտարարել է նա։
Գալուզինի խոսքով՝ անկախ նրանից, թե ինչ են խոստացել «արևմուտքցիները», որոնք, իբր, «Հայաստանի իշխանություններին դրդել են «սառեցնել» մասնակցությունը կազմակերպությանը, ՀԱՊԿ-ին՝ որպես Հայաստանի անվտանգության ապահովման մեխանիզմի արդյունավետ այլընտրանքներ չկան»։
Նրա խոսքով՝ «ՀԱՊԿ-ի ներուժի կերտման աշխատանքները համակարգված առաջ են գնում՝ Երևանին թողնելով հետևում»։
«Մշակվում են ճգնաժամերին արձագանքելու նոր ալգորիթմներ, ամրապնդվում են կազմակերպության հավաքական ուժերի հնարավորությունները՝ հաշվի առնելով ռուսական մարտական փորձը, և ընդունվում են լուրջ ծրագրային փաստաթղթեր Կենտրոնական Ասիայում մեր դաշնակիցների սահմանների անվտանգությունն ապահովելու համար»,- ընդգծել է նա։
