Չեխիայի զորավարժարաններից մեկում պայթյուն է որոտացել․ վիրավորներ կան

Լուրեր

21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
Բոլորը

Չեխիայի Լիբաայի զորավարժարանում զինամթերք է պայթել, ինչի հետևանքով կան վիրավորներ: Այս մասին ասվում է Չեխիայի բանակի՝ X-ում հրապարակված հաղորդագրության մեջ, փոխանցում է RTVI-ը։

Բանակի հայտարարության համաձայն՝ խոսքը «լուրջ միջադեպի» մասին է, ռազմական ոստիկանությունը հետաքննություն է սկսել:

«Դեպքի վայրում, ցավոք, վիրավորներ կան։ Մենք փորձում ենք հնարավորինս արագ օգնություն ցուցաբերել, ներգրավվել է փրկարարական ուղղաթիռ»,- ասվում է հաղորդագրության մեջ։

Լիբավա բնակավայրը գտնվում է Չեխիայի արևելքում՝ Օլոմոուց շրջանում։

Ապրիլին Չեխիայի ոստիկանությունը հայտնել էր, որ Պրահան ապացուցված է համարում ՌԴ ՊՆ գլխավոր հետախուզական վարչության մասնակցությունը երկրի զինամթերքի պահեստներում տեղի ունեցած երկու պայթյուններին։ Խոսքը Վրբետիցայում պայթյունների մասին է, որոնք տեղի են ունեցել 2014 թվականի հոկտեմբերի 16-ին և դեկտեմբերի 3-ին։

Առաջին դեպքում պայթել է 50 տոննա զինամթերք և Imex Group-ի երկու աշխատակցի կյանք խլել, որը վարձակալել էր տարածքը։ Երկրորդ պայթյունը տեղի է ունեցել պահեստում, որտեղ 13 տոննա պայթուցիկ է եղել։ Այս պահեստը ևս վարձակալել էր Imex Group-ը, որը հայտնել է, որ այն օգտագործվում է գնդացիրներ և հրետանային արկեր պահելու համար: Երկրորդ պայթյունի հետևանքով զոհեր և վիրավորներ չեն եղել։

Չեխական լրատվամիջոցների փոխանցմամբ՝ Վրբետիցայի պահեստներում պահվող զինամթերքը նախատեսվում էր ուղարկել Ուկրաինա։ Պայթյունների պատճառած վնասը գնահատվել է ավելի քան 1 միլիարդ կրոն (մոտ 47 միլիոն դոլար)։ Պրահան պաշտոնապես պահանջել է Մոսկվայից ամբողջությամբ փոխհատուցել այս գումարը։

Կրեմլը Ռուսաստանի հասցեին Չեխիայի մեղադրանքներն անվանել է անհիմն, կործանարար և առողջ բանականությունից զուրկ։