24.06.2026 | 09:52
Ձերբակալվել է Ավետիք Չալաբյանը
ԵՄ-ն մեկ տարով երկարաձգել է Ղրիմի բռնակցումից հետո ՌԴ-ի դեմ սահմանած պատժամիջոցները
Քաղաքականություն
17.06.2024 | 18:34
ԵՄ խորհուրդը որոշել է մինչև 2025 թվականի հունիսի 23-ը երկարաձգել Եվրամիության կողմից սահմանված պատժամիջոցները՝ ի պատասխան Ռուսաստանի կողմից Ղրիմի և Սևաստոպոլի անօրինական բռնակցման, գրում է BBC-ի ռուսական ծառայությունը։
Այս սահմանափակող միջոցներն առաջին անգամ սահմանվել են 2014 թվականի հունիսին։ Դրանք, ի թիվս այլ բաների, վերաբերում են Ղրիմի ընկերություններին որոշակի ապրանքների և տեխնոլոգիաների արտահանման արգելքին կամ Ղրիմում տրանսպորտի, հեռահաղորդակցության և էներգետիկայի ոլորտներում օգտագործման համար:
ԵՄ-ն ևս մեկ անգամ հիշեցրել է, որ միությունը չի ճանաչում և շարունակում է դատապարտել Ղրիմի ու Սևաստոպոլի բռնակցումը՝ որպես միջազգային իրավունքի խախտում։
